我唔知請正價印傭好? 平價印傭好? 定自己湊好? (非常苦惱~~)

我個人認為: 依你依家的實際情況, 都係自己湊好D,
請一個家傭要好多費用, 除一般見到的費用, 還有意想不到的開支, 例如: 睇醫生, 保險等, 如果屋企地方唔够大的話, 屋企多咗個人, 始終唔方便, 如果個家傭做得好就算, 做得唔好一肚氣. 而且你都唔會放心由得個家傭一個人留係屋企湊BB.
孩子唔係單單湊咁簡單, 當中最重要的是教導和親子關係,呢兩樣嘢傭工是無法做到的.
依家你應該把握機會將自己投入在家庭. 不要以為這是困身. 應該用另一個角度睇: 係一種幸福. 有幸可以親手帶大孩子, 將來孩子大咗. 他們也會因成長中有你而感幸福.做人更自信.
你依家先得28歲, 工作的機會很多. 但孩子的成長過程一去不復返. 請好好把握.

祝妳: 幸福快樂!

我完全同願Su Chang 給你的意見! 我這樣說是因為我是過來人.我女兒今年十五歲,兒子十二, 在兒子出世時請了菲傭,到現在已用了八個工人,平均不滿年半已因不同理由解聘,(偷竊, 借錢, boyfriend 們常call),其中有一個有皮膚病,又有一個打我兒子..... Main point 是現在有時會後悔,當年無給兒女們多些時間,現在他們已有了自己的同學朋友,同我的關係會become not close!

我無乜呢種經驗, 但用外國人既睇法, 外國人好小請工人, 就算兩公婆去出
工作, 小朋友大多數由婆婆或嫲嫲看, 你媽媽即小朋友既婆婆, 為何不可以
看兩個細路? 我有個親戚是外國人, 三十歲, 佢有兩個女, 一個八歲, 一個三
歲, 全部交由佢阿婆看管, 聽清楚 ~ 係佢自己既婆婆, 即係佢細路既太婆,
年紀差不多八十歲, 一樣有能力照顧細路, 我個親戚而家仲大緊肚, 要生第
三個, 一樣交俾佢阿婆看, 所以 ~ 我覺得你可以生完出嚟, 一樣交俾你阿媽
睇, 好過請工人, 因為工人係好係壞, 無人預計到, 點都唔夠自己阿媽睇孫咁
週到, 你可以俾多小小你阿媽, 佢又可以有多些收入, 你又安心去返工, 請工
人仲要照顧埋佢地醫療, 及旅費, 請著個唔好, 仲激死你地, 你得八千呅人工,
俾埋工人及你阿媽, 都無晒啦! 你老公收入又唔定, 衰d講 ~ 若然黑仔起嚟,
搵得雞碎咁多, 自己食都未夠啦! 但俾你阿媽, 可以有計傾, 因為大家自己人,
搵得小既時侯, 都唔使驚, 搵得多既, 就過時過節俾多些佢, 幾開心呢! 唔使
愁喎! 老人家 ~ 對佢好些小, 講些小話令佢開心, 俾小小高帽佢, 例如.......
我既朋友見到個女, 話你照顧得佢好好, 好有心機啊! 咁就得啦, 分分鐘唔收
錢都肯......嘻 ~ 嘻
圖片參考：http://hk.yimg.com/i/icon/16/3.gif
!

2007-06-15 20:57:37 補充：
仲有 ~ 你廿八歲, 你阿媽都唔會好老啫! 點都有能力湊兩個, 問題係當然事前同佢傾掂, 睇佢點諗, 記住 ~ 你要強調, 唔放心請工人, 只係信自己人, 尤其 ~ 初生bb, 點信得過一個外族陌生女子, 當你返咗工, 佢俾乜bb食你都唔知, 個bb又唔識講, 都係信唔過.

如果經濟情況許可, 當然自己湊好. 工人湊初生BB, 本人覺得很危險. 始終BB唔識講話. 如果你是一個非常緊張的 MUMMY, 你在工作時會放心嗎? 最好等讀幼稚園時才請工人.
另外八千元人工, 你有 4千多已給工人, 2500 給婆婆, 其實條數不是差太多. 28歲不是太大, 三年後搵工不難.

本人經驗, 如果家裡無人睇住工人. 太不放心. 始終文化不一樣. 大女你自己湊, 你應知道的.

自己湊啦, 有很多東西是用錢買不到的. 請考慮我的意見.

REF: 自己.

如果計過數，可以負擔得起的，就請印傭喇，仲要正價果隻，不要以身試法，免犯官非。如果你自己湊，你會同社會脫節，整日就在家裡，對著小孩，一些不順心的事，很易變成心理病。上班的的話，起碼有幾小時接觸外面的世界，工作又有寄托，又有收入，何樂而不為呢？

我建議你請工人至第二個小朋友入幼稚園先.

全職媽咪係好偉大, 但今時唔同往日, 現今的小朋友好多野要學, 做父母要付出好多時間去陪, 長時間對住兩個細路好辛苦, 工人都有假期, 媽咪就無...

呢3年捱吓啦! 之後轉請 part-time or 放棄工作.

自己湊好!!!!!!