[尤其女仔請入]同女朋友相處問題

我相信你女朋友知你關心佢同緊張佢
但咁短時間內, 收咁多miss call同msg
內容仲有o的責罵同威脅o既感覺
「做咩唔聽電話"、"我唔會原諒你唔聽電話"、"我唔可以無左你」
任何人收到都會感到害怕

當然, 這可能是你太擔心佢出事, 自己幻想o左好多片段, 仲越諗越驚先咁做

首先, 你要知道一個人情緒唔好, 或多或少需要安靜的時間去平伏
未必個個人都可以即刻同人分享, 因此, 要學懂尊重你女朋友o既反應

其次, 緊張/驚慌對事件於事無補, 要幫到人, 需要自己先冷靜, 唔好諗太多, 因為好多時, 緊張下所諗o既都傾向負面, 而且大多數不會是真實發生的事情
好好控制自己, 唔好俾呢o的幻想影響你o既行動
(如果你有信仰, 可以選擇祈禱, 如沒有, 可以深呼吸, 冷靜自己, 再問自己有沒有更好的解決辦法)
帶有負面同威脅感覺o既句子會更傷害你地o既關係

其三, 如果「聯絡不到」會令你感覺不安, 也許你和你女朋友要先談一談, 尋求一個雙方都認為舒服o既解決辦法
例如, 想靜的話, 先send一個msg俾對方

這些事很難一時三刻去改變
但若你肯同女朋友溝通, 彼此尊重, 應該無事o既

放鬆一點, 記得拉得太緊o既橡筋好容易斷
任何關係都是一樣的

你太緊張了. 其實你好愛佢, 只是沒有空間說出你的愛意. 你可以學下我男朋友, 佢好多時寫野比我. 我會好開心的.

http://winter_spring.ourlove.cc <---- 看我們多開心

http://www.ourlove.cc <----- 你也可以試下. 專為情侶而設的

其實你應該俾多d空間佢...

下次如果佢唔聽你電話,
你咪試下遲d再打囉,唔洗咁緊張架
可能佢做緊野or去左toilet呢~~

如果我係你女朋友,第一時間見到咁多sms,真係會好無奈,亦會怕你唔開心先
之後會同你解釋番點解冇覆電話,sms,但係絕對唔會因為咁而一直記住,唔開心
因為其實咁樣係好小事姐,同埋,如果我男朋友sd「我唔可以無左你」我見到都開心啦,,仲點會嬲呢?
其實會唔會係你太在意尼件事呢?我相信唔會有女仔咁小器,尼d小事都會唔開心架,,所以冇必要話係佢 心中洗底,,只要你以後,如果有咩事佢未覆到你,你咪等下先囉,,如果過左一日都未覆,我唸真係要再打多幾次比佢啦,,
我之前個男朋友,知我唔開心,都唔會搵我一排,等我唸通左,開心番,我會自己打比佢,,之後傾番件事點樣,,如果係同佢嗌交而唔開心,就會叫佢出黎傾番,,
你真係怕佢仲介懷件事,,咁樣你不如搵佢傾下,,有時你唔講對方未必知架嘛,,冇人識讀心術架^^"

如果女朋友唔開心, 你自問知道唔關你事的話, 你其實唔使咁緊張去急於氹佢, 你只要比佢知道你知佢唔開心, 你咩事都會支持佢, 你會隨時都係佢身邊, 佢有咩需要你都會係度... 已經可以...
個次你都唔係好差啫.... 你都係緊張佢啫. . .唔使內疚, 未至於要洗底...
男女朋友相處, 每對都有唔同, 最緊要是用真心去對佢囉.... 要了解佢性格和喜好, 互相包容和坦白.... 而且個個人要求唔同... 我有女性朋友要做小鳥依人, 要個男人廿四小時on call, 要知道一切活動和去左邊, 好似從軍咁. . 但也有女性朋友要有自己空間, 要有獨立時候, 唔鐘意男朋友係邊嘮嘮嗦嗦.... 咁邊會有一個公式呢??

你係一個好愛女友的人,但你的過份關心會令人有壓迫感, 我想知如果你那刻你女友真係有事(touch wood), 你可以做d咩呢, 唔理甘多.....^一個晏晝之內打左十幾次去
同埋send左十個八個sms俾佢....^ 唔知佢做咩好驚, 你會唔會再報警呢....

講真你女友唔開心,你同佢分析好件事,用站佢角安慰同"ho"下佢, 最終都要佢自己睇得通....
你以上甘做,令佢好擔心你下次又係搵佢唔到真係去報警......

不過,你都唔好開心...覺得好內疚...好僧自己, 呢d嘢只係你行為有問題,本質係對你女友好的....從此起, 請man d, 想做個樣嘢先想清楚, 如以上的例子, 打電話無人聽, 最多1個鐘2次(每30mins一個call), 之後一個鐘先好打一次或留message等佢覆, 佢想覆你你只係留一個就return call...., sms都係做spare以防萬一留言short 左....已經好夠...

同你說話的方式好有問題, 女友無帶電話之嗎...你使0使講d甘責怪,好似佢欠左你d咩甘.....^做咩唔聽電話^、^我唔會原諒你唔聽電話^、^我唔可以無左你^等等.....如下次又係甘, 你會唔會話^你係收到呢個message一個鐘內唔覆我我就死比你睇^, 夠強未.....你唔好再係甘, 女友就嚇走啦...

你自己留意下啦!!

你都係緊張你女朋友者. 佢會明白既. 不過平時就唔好咁做喇, 會嚇親佢.

我以前個男朋友都試過搵唔到我 (電話關左唔記得開番) 佢好緊張, 後來我知道令佢擔心我都唔好意思. 其實你又唔係做錯事, 不用怪自己. 只要以後對佢好就沒問題了 : >

你應該比多d空間佢 唔好逼得佢咁緊 多d同佢傾電話 同埋唔好咁緊張 佢可能唔得閒呢 如果個日唔得 你就第2日打電話比佢 問下佢乜事囉 最重要係比d空間大家 依家d女仔唔係咁鐘意比人管嫁喇

我自己都係女仔
其實你唔使咁緊張
如果你係關心佢嘅話，佢都會知
你同佢道歉就得
女仔都希望男仔對自己好...

係你太神經質ja bor……
你唔駛太介意呢件事wor，佢都唔介意。不過你下次唔好咁喇，佢唔開心未必關你事，你想安慰佢都唔係狂send sms就得ga，可能會有反效果tim。
你呢個唔係識唔識同人相處既問題，而係你點樣對一件事作對適當反應既問題。以後唔好成日以為乜都係自己錯喇。