急！！狗狗皮膚病！２０點

你隻狗仔可能係患上癬疥蟲呢類皮膚病，所以會好痕，同埋有皮屑既情況，如果你帶狗仔睇過醫生都係解決唔到狗仔既皮膚問題，咁你不如試下俾呢隻叫做癬患清既補充劑狗狗食，佢可以治療皮膚病，之前有個朋友隻狗生滋，都係食呢隻補充劑，宜家隻狗狗d皮膚病已經好返哂，而且仲出返哂d毛，始終狗仔仲咁細，要成日食抗生素或者類固醇呢類藥物會對佢產生副作用。另外如果狗仔仲未沖得涼但係又有皮膚病，你可以用d寵物專用既潔身紙幫佢勤d抹身都可以對佢既病情有幫助，詳細資料你可瀏覽以下的網頁參考:
http://www.pet28.com/profile.asp?id=15892
http://www.pet28.com/profile.asp?id=15832
http://www.pet28.com/profile.asp?id=15441

一般來說幼犬頭皮過多應是嚴重之真菌感染或毛囊蟲症,你應要獸醫刮少許皮膚組織檢驗才可確定是何種皮膚病才作出治療才有效,另外你的犬隻有呼吸道感染病症(鼻涕),千萬別洗澡否則會變成肺炎,若你想局部幫你愛犬止痕建議先買一枝巨止痕,殺菌之噴霧式皮膚噴劑.
另外你犬隻之耳道已經發炎,耳虱感染,若果耳朵邊有脫毛/結厚焦的話不排除是疥癬蟲感染,坦白說你的犬隻來源很有問題,該寵物店之手法令身為同行的我也蒙羞,建議你去漁農處或消委會作出投訴,另外你的犬買時是否已有針紙+晶片?因為06年4月1起所有有牌售賣犬隻的店鋪均需幫犬隻植晶片才可售賣,若你的犬隻沒有,那一間店很可能是無牌售賣動物.

其他寵物保健資料請参觀我的網站:
http://lovelypets.dyndns.org:888

唉~~睇到你0既形容, 我都替你心痛呀! 唔好再俾佢搲啦, 結咗焦0既地方再搲損, 會更加痛架, 如果佢隻耳特別痕, 你就幫佢戴番個狗喇叭啦(一般獸醫診所都有售), 咁佢咪搲唔到囉. 至於佢身上好似頭皮0既嘢, 可能係因為佢皮膚乾同埋痕癢. P仔食乜嘢牌子0既狗糧呀? 有啲唔好0既狗糧, 會食到啲狗狗皮膚好痕架. 你應該俾佢食啲天然糧(Canidae, Yarrah, Timerwolf等等), 如果佢啲痕癢同狗糧有關, 轉食天然糧後, 情況應該會慢慢改善. 個獸醫講得啱, 佢而家唔可以沖涼架, 一來佢病緊, 二來佢係BB, 抵抗力弱, 萬一沖完涼再冷親就麻煩啦.

其實皮膚病唔難醫, 我反而擔心你所講0既另一樣嘢, 就係流鼻水, 我驚佢唔係傷風, 而係其他病呀! 因為肺炎同狗瘟初期0既病徵都係咁架. 呢兩種病對BB狗嚟講, 係好嚴重0既病, 遲咗醫或者處理得唔好, 分分鐘會攞佢命架, 狗瘟有14日0既潛伏期, 所以你上次帶P仔睇醫生時可能check唔到. 我勸你唔好等到星期六至帶佢去睇, 盡快去啦. (我唔係危言聳聽, 我年半前養過一隻查理斯, 佢初初都係好似P仔咁流鼻水, 我以為好小事, 帶佢睇完醫生食咗藥, 好似有啲好轉, 但食完醫生開0既藥(七日藥)都未好番, 咁我咪帶佢睇多次囉, 結果就發現係狗瘟, 期間不停覆診, 亦有留醫, 個醫生同我講, 已經用咗最好0既針藥醫佢, 但最後都救唔番呀! 而家諗番起, 我重係好心痛同內疚呀, 會諗如果我早啲發現, 或者唔係信晒個獸醫, 帶佢睇其他醫生, 佢而家會唔會仍然生存喺呢個世界呢? 所以唔好等啦, 快啲去睇醫生啦, 遲咗我驚你後悔莫及呀).

希望我估錯, 更希望P仔早日康復.

你好, 如果佢傷風ge話一定要帶佢睇醫生先呀, 因為bb仔抵抗力好弱, 如果唔醫好d傷風好易會有其他病ga.

至於R痕問題, 睇下係咪R耳仔, 可能係佢耳仔污糟呀, 要用洗耳水幫佢洗ga, 可以去醫生度問埋點樣幫佢洗同埋幾耐洗一次.

如果佢R身體, 你要喝止佢呀, 如果唔係會成身損哂, 我隻北京女之前就係咁樣R到塊面流血呀.

仲有, 如果皮膚有問題, 快D同佢睇醫生啦, 自己好難攪得佢掂呀, 唔好輕易相信D寵物店亂講. 醫生有D消毒藥水, 搽D損左ge傷口好快會好番ga.

總之, 媽媽你快d同佢去搵個好醫生啦

梭椏道獸醫診所 dr. tint 都幾好ga, 好細心, 希望幫到你啦

唔洗擔心！我隻狗之前輕輕掂下就一大ｊａ頭皮，
但睇左醫生後，開左ｄ口服藥同特別沖涼液就好快冇事ｇａ啦～

＊唔好自己出去亂買，我試過去狗房買，又冇用又好似惡化ｔｉｍ呀！
＊食藥如果隻有唔肯食，可以拆膠囊拎ｄ藥粉溝水，再買支針筒打落佢口入面，，或者用ｄ蛋糕仔點ｄ藥水（藥粉溝水）餵佢～

祝你隻P仔早日康復！

其實你都唔洗咁擔心既
bb狗有皮膚病都好正常
就正如我而家養緊既狗仔
佢細細隻果時同你個情況一樣
身體好多頭皮類物體 而且又成日r
咁之後就帶佢去睇醫生
醫生就開左d抗生素同打左針
結果到bb第四個月 情況開始好轉

當佢成日r自己果時，我會立即喝住佢
然後自己幫佢r 因為佢自己唔識就力會r到周圍損哂
我唔想佢傷口受細菌感染

又或者買件衫仔比佢著，至緊要夠薄
因為而家夏天嘛

涼就非必要時唔好同佢沖住喇
話哂咁細隻抵抗力唔會好好
當你覺得佢算健康果時先好同佢沖涼啦
最好用皮膚液幫bb狗沖兩次，即過兩次水

希望你隻bb狗同我果隻一樣都可以健健康康啦
有咩唔明可以再問^^

你係睇邊間寵物診所架,
其實好多狗狗都有R痕既習慣, 唔一定你皮膚病,
可以用其他方法去制止,
但你果隻已經R到損哂既話,
有可能係用左隻唔多啱既沖涼液喎,
R耳仔係佢耳仔唔乾淨, 你有冇用洗耳水同佢洗耳仔架,
你試下同佢去九龍城果間寵物醫院睇睇佢,
果個女醫生好有心機幾好架.