做絕育手術邊度好d?

我隻狗仔都做左絕育手術，今年六月就14歲喇，非常健康~

1) 不做絕育手術會有睪丸癌?
首先你要明白絕育同睪丸癌係兩回事，因為狗仔年紀大患上睪丸癌比率較高，所以大多數獸醫都會提議狗主考慮替狗仔做絕育手術，因為以免到真的不幸患上睪丸癌時，又冇得醫，狗主人會好傷心，後悔，絕育係唯一可以避免的方法。但有d狗主要求替狗狗絕育，只係唔想狗狗有下一代或狗狗成日咸濕'up'人隻腳或 'up'd公仔，攪到一陣味又要洗返d公仔~

2) 絕育手術前後狗仔性情會有不同?
做了絕育手術o既狗狗，其實性情冇乜轉變，但大多會定性好多，冇咁曳，聽話d，嗲d~
聽說佢會對家人憎恨de?
絕對唔會，因為狗狗本身就唔會記仇，又點會對家人憎恨呢？你細想，你都試過鬧過佢或者打過佢啦，咁你有冇發覺只有你唔睬佢，佢從來唔會唔睬你丫~

3) 做絕育手術ge狗仔算不算健全ge狗仔?
絕育手術只係將狗仔兩粒睪丸割除，佢o既男性性器官仲響度架，點解會唔健全呢~

最後想你對狗仔絕育手術過程知多d，手術只係將狗仔兩粒睪丸割除，再在包著睪丸那個"袋袋"度縫返針(約2-6針，視乎取出睪丸時傷口大小而定)，除頭1-2天傷口未埋口令狗狗覺得痛唔想點郁動，基本上第三天狗狗就活動自如，第七天就可回獸醫處覆診及拆線~

所以你真係唔使咁驚，好小o既手術，但狗狗做左就唔怕佢有患上睪丸癌機會~

我初初都好抗拒要我個寶貝做'絕育手術'，但當我見到隔離屋隻狗仔(8歲)真係患上睪丸癌，最後仲大小便失禁......跟住要人道毀滅時......我都有喊 ~_~

最後決定帶我隻狗狗去做，依家就黎14歲喇 ^_^

少少意見，希望幫到你啦~


我隻狗仔做 '絕育手術' 時都成七歲~

2007-06-08 23:28:54 補充：
大圍珍禽異獸寵物醫院 - DR. Tiger沙田 積信街69 號 電話:2687 1030設備完善, 有多個醫生駐診, 手術一般都以不用拆線的方式來縫合傷口(自然溶解), 那寵物便不用再受拆線之苦, 手術前亦細心測量身體各方讀數, 以準確判斷動物可承受的風險, 可見他們的專業, 醫生以Dr. Tiger最出名, 人人都找她, 所以排期比較耐, 愛錫寵物的可選擇這間, 當然收費亦會較一般診所貴, 所以還是豐儉由人吧!荃灣城市http://www.citivet.biz.com.hk/

大圍珍禽異獸寵物醫院 - DR. Tiger

沙田 積信街69 號 電話:2687 1030

設備完善, 有多個醫生駐診, 手術一般都以不用拆線的方式來縫合傷口(自然溶解), 那寵物便不用再受拆線之苦, 手術前亦細心測量身體各方讀數, 以準確判斷動物可承受的風險, 可見他們的專業, 醫生以Dr. Tiger最出名, 人人都找她, 所以排期比較耐, 愛錫寵物的可選擇這間, 當然收費亦會較一般診所貴, 所以還是豐儉由人吧!

我狗狗都在此做手術, 所以誠意推介!

我之後係搵荃灣城市獸醫, 個肥佬醫生幾好架

http://www.citivet.biz.com.hk/