如何分辨全視線鏡片

高登、孖8、愛視美、世界、尊貴、茂昌(唔包括A-Lxxk)......等，就一定賣得貴，仲會貴過你問既千多元。雖然貴但唔會俾渣鏡你。因為我地會搵大行車鏡，而大行只用有牌子既鏡。

平價既眼鏡鋪，(尤其樓上果d)，好多時都搵D小型山寨鏡行車鏡，呢種出寨行，好可能用d不明來歷鏡，如內地鏡或品質檢查時被列為廢鏡既鏡。

其實外行人想分辨其實冇乜可能，香港有一部光學機好似係科大，可以分辨鏡片種類，想用除非你係光學系既教授。
行內人都唔係咁易分到係咩鏡，因為鏡面暗字可以印上去。
你問題裡既"500蚊"係絕對車唔到有牌子正規全視線鏡片！！如果佢話有牌子既話，除非佢開鋪做生係為左蝕錢。
我最近幫fd車兩副美國GIA鏡，最平都要收700左右，咁我先有幾十蚊人工執。

主要較好的有兩隻牌子，
法國依視路 & 美國GIA，美國GIA質素較高，但兩隻成本其實差唔多
GIA: 眼鏡88 約$3100 (流行既潮流產品通常都會炒得較為高價)
依視路: 眼鏡88 約$2300

本人為現職眼鏡從業員，
可用批發價代造全視線鏡片！只限GIA
美國GIA全視線鏡片一對連我既人工 價錢$690

參考: 售賣方法等資料可用我的名字在yahoo拍賣中搜尋我既拍賣！
亦可直接msn or 電郵以下 e-mail add
任何有關眼鏡or光學問，都歡迎查詢
FanQ``

2007-06-10 06:53:54 補充：
首先，"不可能隨便印上" 如果你未聽過行內有人用台灣鏡加印精工logo，賣九千幾既話，咁我唔怪你咁講。其實鏡面個logo真係可以隨便印上去！第二，如果Essilor係你講得咁高檔次，請你返工時候，先拎張依視路報價單，睇下依視路同樣級數鏡，平過呢D牌子(Hoya、精工、Zeiss,Rodenstock)幾多。第三，GIA唔需要咁貴，冇錯成本係唔洗，咁都執返些人工車腳掛。

2007-06-10 06:54:22 補充：
第四，全視線，其實係依視路出既變色鏡。其他牌子都有出，eg:GIA , 博士倫如果你覺得依視路既變色鏡真係咁犀利，請先拎你鋪頭果個焗爐(紫外光機)，將 GIA俾眼鏡鋪既變色模片，同依視路全視線既變色片，一齊放入去，再下邊隻好D！第五，我二年之前做果間眼鏡，公司餐牌中，最平既鏡片就係依視路，當時我開既工場單之中，約八成半係依視路，原因……因為佢價錢平，唔係咁多人會捨得九千幾蚊車精工雙飛球或者用皮幾野車對德國鏡基本上依視路係眾多有牌子既鏡片中，價錢最平既一隻。

2007-06-10 06:54:43 補充：
第六，保證書，根本就冇意思。較大規模或者開店年期較長既眼鏡鋪，都會有一大堆各品牌鏡既証明書係手。第七，我唔了解你係咁樣講法背後既原因，係因為你對呢行既認識唔深，還是別有用心！

2007-06-10 07:02:29 補充：
第八，先引用你番話：又話此類店舖通常交予山寨行車鏡, 冇質素可言! 其實香港之眼鏡工場寥寥可數, 而此類大公司之鏡片, 所謂之山寨行亦要問大公司買鏡, 因此不存在假冒大公司之鏡片!! 除非想以後唔喺呢行立足啦!!若然你做開呢行，點解你會咁講，冇可能唔知大陸同台灣都有出兼價鏡片。如果冇呢D鏡行，點解街邊檔可以用"$29"蚊幫人造有度數太陽鏡。

2007-06-10 07:26:31 補充：
第九，給果名自認老叔父既人我最近打算辭工，開始著手準備自立門戶，自己入貨係yahoo拍賣野，經己引黎好行家出陰毒，層出不窮出盡那渣招數，冇所不用其極，務求令到我搞唔成，雖然我係俾你整蠱到一次，仲令我蝕左一筆錢，你地覺得呢D小動作可以阻到我黎緊自己開檔咩。唔該呢行既人反省下啦！幾年前眼鏡仲係一個好有尊嚴既行業，點解要做到而家咁cheap！

2007-06-10 07:27:57 補充：
如果有料既，洗怕乜野競爭。大家各有各做，洗乜野同我講字頭講number，大家都……，而家我撈梗正行，我真係諗到怕你咩囉！老實講，真係咁巴閉，洗乜賣眼鏡！晨早搵夠上左岸，幾廿歲人扮老叔父用133打黎拋我，撈唔起過氣爛仔一名。老土d講句咬我頭硬咬我XXX，你suppose想我驚你乜野先。

老實講如果單靠肉眼睇係好難分得出, 除非對鏡有mark(不可能隨便印上), 不過行外人好難睇得到, 而此鏡片是有保證書, 你可向所購買之眼鏡店索取, 如未能提供一定是假的! 並非如之前有人所說樓上舖一定呃人, 又話此類店舖通常交予山寨行車鏡, 冇質素可言! 其實香港之眼鏡工場寥寥可數, 而此類大公司之鏡片, 所謂之山寨行亦要問大公司買鏡, 因此不存在假冒大公司之鏡片!! 除非想以後唔喺呢行立足啦!!
另外請別相信啲士話美國GIA全視線鏡片品質好過法國依視路全視線鏡片, 因
1) 美國GIA鏡片並非叫什麼全視線鏡片, 只是叫1.56 變灰鏡片, 全視線鏡片實為依視路公
司對此產品之專有名稱
2) 相信全眼鏡行業都知依視路之鏡片是行內數一數二的(不信可到眼鏡店比較2間公司鏡片
之價格)
3) 本人可以更低之價錢出售GIA變色鏡, 根本唔需要$630咁貴!!

P.S.本人並非想做生意或搶生意, 只係唔想見到有人為做生意而歪曲事實, 藉詞呃錢!!