男人真的可以只顧工作, 忘記了女友嗎?

有d男人一但投入工作就會進入忘我的境界。
(或許有時也是一個吸引人之處)(不過衰在一但變成情侶之後這「忘我」卻又為感情帶來點障礙 :P )

我覺得你直接既跟佢表達你的concern係做得好岩，起岩俾佢知你既想法。(而唔似好些女孩子，一來就發晒脾氣而又唔講點解)可惜係你男友沒有因而改善。

你不妨可以試下去學下攝影，一來可以係佢攪業餘活動時也參與其中，另外平時也可向他指教指教，增加兩人的共同話題。再且，你對他的專長、所好多一點認識，也可增加他對你的尊重同好感‥

如果改善不了你男友的想法，就改變一下自己的想法，多d去諗下佢平時既細心對你好的時光，人都會好過d。
還有，你亦可以係佢忙Job既日子，用一d冇咁大壓力既方法去關心、慰問一下佢(e.g. send SMS 叫佢加油俾心機工作，完左job記得搵你...etc)
佢忙job既時候你亦可以多d找你自己的朋友出來做你自己喜歡做的事，也可幫輕對佢既思念吧‥

你或會怨，點解唔係佢學曉多d體諒你的掛心，而要你就晒佢‥
如果我係佢朋友，或者都會勸下佢關心下自己女朋友云云‥不過而家係冇辨法改變佢，唯一可以改變的是你自己的想法。
關心一個人，有時就係咁樣係極度不公平的情況下去無條件去付出而不問回報，或許，就當這是你對他愛的表現吧! :)
(當然，希望有一天你男友真的用心看見你的付出，就更好了)

其實男人同女人好唔同架.因為我地係由不同背景教育出黎既.好簡單一個比如:男人流血不流淚.但有時睇愛情大悲劇.你估男人會好開心咩..其實佢地都想流淚.但唔可以比人睇到.而女人呢..大喊特喊..我想講既係:如果你都係愛佢~應該係接受佢.而你而家所講的:我一方面好欣賞佢上進, 有理想..但代價就係對我不聞不問?<==此言差矣呀... 如果佢唔愛你唔錫你.連工餘時間都唔會比你.而如果佢連工作都唔專心只係掛住你.咁你認為你地將來(經濟上)會好嗎?!一黎.佢有佢喜歡的工作.佢也專注工作.你應該為佢感到自豪~當然啦..我係女人我都明有時女人好需要人地care...因為女人一旦愛上可以完全奉獻自己時間.但男人要的是空間.何況佢既空間只限於工作上的投入而唔係同豬朋狗友日日花天酒地..其實佢已經好愛你好關心你了.有時間大家多了解一下..慰問下..你地感情一定可以更加穩固~而佢亦會更加愛護你呢個既獨立又懂得專重佢的好女友~我祝福你兩喔~記得:愛情需要包容及學習的!^^

妳以經做得好好了，我相信妳男朋友都知道妳點對佢，冇錯男人係希望有佢既自由天地，佢係做緊自己鍾意做既野，對妳真係好唔公平，佢都知，自私D講句妳係要忍耐，如果妳再迫佢，後果妳應該會知係點，其實我都唔知點答妳，因為我都係一個好似妳男朋友咁既人，女朋友都試過係屋企哭住等我，我見到佢都嚇左一嚇，佢冇話我，佢知道我要自己空間，這次之後我都盡量抽時間陪佢，佢知道我變左都好開心，所以我都希望妳明白唔好咁易放棄，一定要互相睇諒呀！努力啦

我係女仔咪冇資格答 =.= ? 你年齡歧視 及 性別歧視喎........

我男朋友冇你男朋友年紀咁大, 但佢都係成日唔陪我

掛住做野, 但佢成日送野畀我, 又好記得我地以前的事

其實你悶可以搵朋友陪, 不要太擔心, 男人唔鍾意女人煩的 ...

再唔係, 咪問佢攞錢去shopping 囉~~~ ^ ^