請教yoki 先生 1073浩倫農科 ~~謝謝！

最近浩倫（１０７３）的確有轉弱跡象！

但細心觀察，先幾日買家與賣家擺出的姿態都是沽家的沽盤是比買家的買盤大！

今早（６月６日），情況也是與昨日一樣！啲好友好似玩失蹤！

但今午，開始有些唔同，好友明顯又多番過淡友！

連跌了那麼多日，成交日日減，唔知大家有冇留意！

我自己的投資方式是極少去高追，反而在市況淡靜，往往就是人棄我取之時！但最緊要是你對該間公司的前景有冇信心！

但人就是這樣的，往往被股價的升跌歪曲了冷靜的思維！當股價急升的時間，就時常問追唔追得過，跌的時候就問要不要止蝕！

我覺得正確的思維是先衡量該隻股票的價值，急升的時侯，即是貴了，股價是否高過股票的價值，還值不值這個價而走去買？

當跌的時候，即是平宜了，反而是投資的好時機！所以同對上的思維是剛剛相反！

當股價跌的時候，我的思維是這隻股票做緊特價，我買的股票都是等佢做緊特價時先買，就會去超市一樣，周圍睇吓邊樣野做緊特價，香港股市有那麼多股票，時常都有很多股票做緊特價！就是買特價個啲！

大家有冇留意到，我之前介紹很多的股票，都是之前一路路跌，根住開始跌唔落，再補足佢轉軑前先追入！

佢唔跌邊有平貨執呀！我時常睇股票唔係睇邊隻股票升，而是時常〔目及〕實邊隻好野跌，啲好野跌我就越開心，但你趺唔落我就出手！

我的思想是否和大家相反？

當然唔係做特價就一支箭走去買，最緊要的就是做緊特價果件野有冇價值係度！

在我買一隻股票時，我是當我自己是一個投資者，研究公司的前景，現價是否值得去投資？就是這樣簡單！

我自己都是做生意的，買股票對我來說等於有個朋友開間公司想找人入股，你睇吓佢盤數，認為這盤生意有冇得做，再看吓價錢是否合理，才決家入不入股，就是這麼簡單！

短線波幅是實有，中國稀土（７６９），閩信集團（２２２），北京發展（１５４），招商中國（１３３）及最近介紹的華基光電（１５５）等的股價也是一樣廊來廊去，我都冇乜理會！

最緊要的是，這間公司的價值！

較早前買的，如７６９，２２２，１２０５等而家唔夠半年已經畀我買的時候升左幾成至近倍！在未升幾成之前，股價也是廊來廊去！如果對自己的眼光冇信心，我一早畀人震左落車啦！


YOKI WONG
圖片參考：http://hk.yimg.com/i/icon/16/3.gif

股票成交量開始低, 而RSI亦開始由80下趺至70, 個人覺得不買為妙.
若趺穿20天平均線便要考慮止蝕

自yoki 介紹1073開始，自己都有留意，近日股價都低收，近幾日成交唔算高但都有大手沽出，係唔係有人刻意壓低價位呢?似乎如果又升返上漲1.6x, 又可能會遇到回吐壓力wor~