洗面粉/肥皂/啫喱的比較

先講講佢地用ge 時候ge 方便程度:
洗面粉: 又要用個棉整下整下先整到d 泡泡黎洗面, 洗完塊面又要洗番舊棉, 朝早趕時間出門口會好麻煩...我試過用fancl ge 洗面粉, 就咁倒落手加水都可以起泡(少d), 不過就好似溶唔哂咁, 仲有舊棉ge 壽命一定短過你支洗面粉~
肥皂: 開頭用一排都幾好ge..不過佢越用越肉酸, 有時個感覺好似好dirty 咁~我用過clinique 同 DHC, CLINIQUE 都好dd, 因為佢有個盒比你, 唔好處就係個盒無通窿, 你用完要放o係度等佢乾左再放番入去, 試問香港人又點會有咁多lee d 時間lei....過2~3 個星期, 你就發現佢滑潺潺, 一pat pat...就會選擇放棄~~
啫喱/洗面膏: 用法簡單方便, 加水卒下, 撻上面又卒下, 一過水就爽~~
我都係混合性皮膚, d sale 會同你講你係唔夠水份, so 中間油, 側面乾, 叫你用肥皂, 不過係呃人ge...肥皂用幾日就掹掹緊, d 皮膚好似爭好多野咁~洗面粉都ok 保濕ge, 但感覺好似唔係好乾淨~~夏天..我地出街出汗or 開冷氣都會導致流失水份, 我建議你試下lancome 有一支白色美白ge 洗面膏, 唔笠又夠潤, 仲美白tim~~ 如果出完街, 塊面好似好污糟咁, 就用lancome 藍色果支洗面啫喱, 感覺再爽d..你可以去卓悅, sasa 果d 買支試用裝試下先, 同o係專門店買ge 品質一樣, 我都o係lancome 買過大支裝, 係無分別, 但我個人都幾鐘意用試用裝...唔貴, 可以買多一兩支, 有時用保濕d , 有時磨沙, 有時用爽d 果d~~

混合性皮膚都有分混合性偏油or偏乾, 唔知你屬於邊類呢?

如果就咁洗面, 唔連落妝..佢地清潔度都係一樣
但洗面粉同肥皂會比較乾~ 油性皮膚較適合用, 洗面膏就for乾性皮膚多
而啫喱就會較保濕, 又唔會覺得崩緊, 我覺得o者喱幾好...推介Biotherm