點解d阿媽、奶奶咁鐘意叫個女或心抱生bb?

因她們的傳統觀念覺得:

1. 結婚生仔係人生的必經階段,佢哋覺得咁樣先係正常嘛!
2. 要繼後香燈，傳宗接代......
3. 想d仔女(心抱)到老的時候，有所依靠(有自己的仔女照顧自己，唔駛咁寂寞，這是他們的好意)
4. 想自己開心(因細路仔得意好玩囉!)

但我個人都認為，今時唔同往日，以前一個生十個都得，講衰d粗生粗養，d細路自己都可以/懂得照顧自己，甚至供埋細老妹讀書，但依家......連照顧自己都可能成問題，況且，依家d 環境，唔讀到大學都未必搵到份工(除非另有一技旁身)，咁做父母就要供佢讀書，香港唔掂就要送佢去外國讀，總之養個細路一d都唔簡單，每月開支比以前大，因個細路仲要學埋其他野，例如: 彈琴、跳舞、畫畫、什麼法文、日文.....要攞分入好學校嘛!

所以依家做父母唔容易，打份工，加哂班，又要供樓、又要供佢讀書、俾錢佢學野、補習，仲要放工後帶住疲累的身驅，教細路做功課，仲要時刻顧住細路d感受(因依家d細路心靈比以前脆弱)，總之其實做父母唔難，但要做一個好的父母實在唔容易。

況且，這時代，唔好再想d細路他日供養你，佢大過仔唔問你攞錢駛已經偷笑喇! 當然相信都會有例外，但......時代唔同咗喇!

所以，我都唔鍾意生細路仔，因我見得太多很頑皮的細路，好激心，但我若要生，都一定要生兩個，細路會成長得好d,唔會咁自我，但若果生兩個，我地要有800萬呀!(哈哈!)

我老豆係我結婚果排都日日暗示生仔既野
我同佢講左句 想見bb自己生 又想有小朋友果種開始又唔想辛苦自己邊有咁著數?
當然對住老公家人我唔會咁講啦~_~
我老公阿婆好想抱曾孫...而且我老公重係長子的孫=.="
我身邊朋友都話 一係唔好生 一生要係仔 唔係實有說話聽.....
我同我老公都冇打算生小朋友 雖然大家都鍾意小朋友
但係.....生bb前真係要有一個好周詳既計劃 唔係既話個bb生長環境好難預計
由其睇到而家好多小朋友細細個已經學壞 我更加驚
社會既唔穩定都會好影響到生唔生住既問題


d老人家退左休冇野做就好想揍bb ka la......我老公阿婆都係咁
我老豆話d女大晒成日唔見 有個孫 個孫唔會識托手爭喎
佢地真係好老土呀....結婚一定要生bb既咩....
我都成日同老公講我寧願養多隻狗都唔想生bb=.="

做父母會好懷念仔女細個時D o野,
只會諗起D好開心o既時刻,
所以想回到以前,
尋找番D歡樂,
咪叫D新抱或者女阿去生孫仔俾佢地玩o羅.
但係佢地又唔記得生兒養女D辛苦o野.
重話辛苦時間斬o下眼就過,
我就斬到眼睫毛都掉晒咁滯,
都仍然好辛苦o番,
我都唔反對D候生生BB o架,
未辛苦過o羊.唉!!!!!!!