交通意外追討為時幾耐嫁

又係公証行！
上面位朋友講得冇錯，唔好聽到公証行就以為好公証，好多做汽車交通意外的公証行，即係等於果D中介索償公司，部份係走法律罅介紹律師從中收取20-30%佣金，有D就係幫保險公司果邊，重有D就會連你份賠償都食埋，曾經見過案例事主追完賠償後得十幾個%，真係幾過份都有呀！
照睇你呢個個案都係開始冇幾耐，因為你都未接受專家醫生評估，應該重係停留係雙方交換答辯書階段，尚未經聆案官批准排期，預計尚需至少6-9個月才可結案，現時你重可以有時間轉換律師。
不過申請法援又需要案情審查同資產審查，大大話話都要成三個月先批出法援資格，不過你可以倒轉程序來做，而家你應該盡速搵個法援署的在冊律師，先出律師信通知公証行和原先律師去終止委托權，然後再入紙申請法援資格；因為當法援署接受你申請開始，一切法律程序將會即時暫停以等待法援署的批核。
至於點樣搵法援署的在冊律師？搵邊科律師？點樣申請法援資格等等，有需要可以直接來信詢問，能力範圍下盡當一一解答。

2007-06-09 11:27:41 補充：
通常呢類文通意外個案，要等法庭判對方罪成先會開始法律程序，即係表示你勝數機會係好大好大，就算唔經法援一般做開人身傷害律師都會接case。但睇你呢個案件都係好簡單，基本上冇理由拖咁耐都冇進展喎，既然雙方醫生做過評估，搞乜又要再睇醫生驗傷呢？你話公証行開天撒價，乜唔係律師幫你入稟咩，你唔會係連委托律師都未見過呱，追討內容律師有責任同你解釋清楚啵，小心留意追索期限係36個月，過左期你就一毫子都冇得追啦，快D去了解清楚好D呀！

2007-06-09 11:34:30 補充：
的確係呢類個案在計算賠償時，病假的長短佔好大比重，重有係留醫日期長短、外科手術次數同埋醫療評估報告等等亦會有影響；你得十幾日病假，應該賠償金額唔會太多，但係另一角度睇，賠償金額多即係表示身體受傷害程度亦嚴重，唔通你想呢世都有嚴重後遺症？最緊要係身體健康，比你佢一千幾百萬其實都唔係好事！

2007-06-13 15:33:48 補充：
意外事故的民事追索期，是由意外發生日起計36個月。而家先準備出醫生評估報告，即係剛先開始法律程序啦，照估計公証行方面開始時並冇入稟，應該衹係向對方書面要求賠償，但因未能達成賠償協議才進入法律程序，可能你要等多9個月至一年啦！呢類經驗真係冇好過有啦，你都唔想有第二次喇！

嘩你好似俾人呃首先個公証行係邊到搵嫁,你要知道公証行多數係對方保險公司請來,cherk下你有咩疑點打散佢作用係賠最小錢俾你或令你打敗官司就蚊紋都唔洗俾,到時你要俾公証行&律師費,咁就幾萬了,我有個朋友係交通意外去找索償公司做收25%佣金仲話最多追$40萬左右,後來去申請法援批左個律師佢好好人，到最後追到$100萬因佢係申請法援所以一毛字都唔洗俾,你有問題send信大家再傾下..

2007-06-12 21:07:05 補充：
咁真係有問題喎我老公上次炒到架車total loss,陪30多萬都唔洗1年！老實說你個所謂公証行應該拖到你2年8,9個月等你走唔到求其陪錢俾你，到時你都無得走陪1萬俾你都焗受，你send信俾我再傾啦，因我不是成日上來！！睇下轉唔轉到律師啦，我個朋友去申請法援批左個律師佢好好人,你打俾佢問下啦！