請問棍波車上斜停車和再起步時, 可否不用hand brake?

你o既問題中包括幾樣野 :

1) 上斜起步不用拉手制
2) 溜後
3) 拉手制會慢和麻煩
4) 你見小巴 ( 或其他油渣車 ) 可以不用拉手制


首先, 上斜起步唔拉手制... 係得o既, 如果唔得, 你都唔會見人做到啦 !
所以如果你只係問 「 請問棍波車上斜停車和再起步時, 可否不用hand brake? 」
答案係 : 可以

第 2 個問題係 : 溜後
溜後呢... 要睇下溜成點啦 ! 如果你係考緊牌.. 死人都要拉手制, 溜後係肥佬o既 ! 但問題係, 日常生活的話, 溜後溜好少好少.. 　問題唔係咁大, 而事實上你見好多人馬路開車都係會溜少少後... 但所謂 「 少 」係少於 2, 3 cm 距離囉.


拉手制會慢和麻煩 ? 咁就一定架, 拉得手制多仲會唔耐用, 通常長時間 ( 1, 2 分鐘以上 ) 先會拉.


最後係架小巴... 其實有一定技術就咩車都係一樣, 但油渣車低轉好力 d, 可能你見個司機比好少油就吊住架車唔溜後, 而又因為佢比油唔大所以好似唔駛比油.


其實個方法就好簡單, 右腳踏腳 brake ( 如果唔係平路, 你唔可能手brake 同腳brake 都唔落啦 ? ), 一開車時, 入波, 左腳半吊離合器, 其實做法同手 brake 一樣, 車頭會向下沈, 跟住右腳好快由 brake 轉去油門同開始補油... 就係咁.


如果新手就搵個地方練下... 開棍波車.. 其實呢樣野係好基本.
當然... 如果情況係唔容許你溜後, 幾多 mm 都唔可以的話.. 咪拉手制囉.

唔係超斜o既斜路可以入1波淨係吊住極力子連brake都唔洗踩，不過呢d叫技術，如果技術未夠好，設勿以身事法。

可以!
呢個係技術性問題,配合得到咪ok

1.安全計:唔得-請拉手掣
2.不小心駕駛:唔得-你都知小心d就得,即係你唔小心
(有技術既話,路上係容許有限度安全地玩野)
3.可跟專業人士學野(觀察/練習/上堂)
4.右腳可同時踏著剎車制及油門(危險動作)

上斜停車唔用hand brake無問題,不過好容易發生意外,

除非你對架車非常熟識同埋離合器和油門運用得恰到好處

小巴司機果D緊係啦!佢一日兜咁多個圈都係果條路線邊到有石仔都知啦!

一係你試下搾車跟佢地尾走足一日,我估你第日都可以唔拉hand brake

就連堂環都可以唔駛搾咁堅呵~~~~~~~€

如果你唔用hand brake的話,,,好大機會你再開車既時候,,,你未采到加油時已經溜後....所以盡量都係用 hand brake....其實你用慣車就唔會覺有咩問題....我3月先出左個牌...而家開車都好自如....最緊要拿多點路面經驗 ^_^