隱閉中年 與 自閉症&抑鬱症 的關係?

隱閉, 自閉同抑鬱其實係無咩關係既...

隱閉唔係心理病, 只係一d 人為左逃避世界而成日留係屋企唔肯出街。
隱閉既人可以搵社工協助, 如果真係好嚴重, 先至考慮搵臨床心理學家, 但係其實社工係會轉介的, 你可以去明愛中心, 社會福利署, 或者其他社區中心搵。

自閉症係因為腦部功能異常而引致既一種發展障礙，徵狀通常係三歲前出現。自閉症既小朋友通常會有智障、癲癇、過度活躍、退縮及鬧情緒等既問題。患有自閉症的學生在日常生活中有三大障礙：人際關係障礙、語言表達障礙及行為障礙。直至目前為止，無有藥物可以根治自閉症。由於自閉症學生既個別差異極大，加上致病原因唔明確，所以暫時無一套完全有效的治療方法。但係行為治療、認知教學、感覺統合訓練、語言溝通訓練等，都可以減輕自閉症帶黎的影響。

抑鬱症最常見既病徵係情緒低落。除左感到傷心之外，有d人會比平常暴躁同埋容易發脾氣。患者會精神不足、疲倦同缺乏集中力。抑鬱症嚴重影響患者對自己同對生命既睇法。患者通常會對自己過份遣責，亦可能有自殘傾向，感到生無可戀。抑鬱症可以係家族遺傳的病症，又可以由一件加重精神負擔的事件引起。啱啱生完仔既女性較容易患上產後抑鬱症。至於長期或嚴重既重病，好似糖尿病同癌症，都會引發抑鬱症。抑鬱症必須接受治療, 有兩種主要既治療方法, 就係心理治療同埋藥物治療，有時要兩樣一齊。

斷症及處方我就未有資格
沒藥直接針對自閉症，有需要時才用藥物輔助
不同種類及嚴重情度的抑鬱症，用藥情況會很不同
而隱閉......認知治療及社交治療，一般不用藥物
根據你所說的，可試著尋求家庭社工協助