✔ 最佳答案
鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫.
唔係好明你所講既係咩聲,但因為忌 到有聲都唔係好事,所以要仔細檢查下鼠鼠同鼠鼠既排泄物有冇咩異常,可以試下檢查有冇以下幾點:
1)打交
有第隻鼠既話可能係有打交,因為鼠鼠夜晚較活躍,所以打交你未必見到,但因打交鼠鼠都會感到好大壓力,所以就會亂咁叫,必須要分籠先處理得到,因為鼠鼠係獨居動物,唔適合多過一隻生活
2)鼠用物品唔安全
鼠鼠用既物品,例如籠既地板,樓梯,轉輪等會唔會唔安全而整到鼠鼠呢?如果呢d都係一間間,鼠鼠行到既地方唔係密封既話,係好易卡住鼠鼠既,就算鼠鼠走得甩既,都會令鼠鼠感到不安or痛苦
3)身體異常
檢查鼠鼠有冇外傷or身體上既異常,例如流血,打乞嚏,呼吸困難,甩毛,好累(夏天鼠鼠都會訓得多d,所以都較難分)等,再睇下鼠鼠係咩問題,再去處理
4)排泄物異常
檢查鼠鼠既排泄物有冇異常,會唔會過多or過少,會唔會過硬or過"林",甚至水狀,睇下鼠鼠有冇便泌or肚瀉,都要睇下鼠鼠既尿有冇帶血,睇下會唔會係第d問題.