半歲狗仔想.........

狗女絕育大約800蚊左右, 但六個月太細個啦, 建議你最好等佢嚟完第一次M再做手術, 如果你唔想佢嚟M, 最少等佢八個月大以後再做. 我隻狗女, 八個月大就做絕育手術, 佢而家一啲都唔似女仔呀, 性格同行為都好粗魯呀, 後嚟聽其他狗主講, 狗女未嚟過M就做手術, 會令佢冇咗女性0既自覺架.

至於邊間好, 其實間間0既收費都差唔多, 呢個手術好普遍, 啲獸醫做慣做熟, 風險唔大. 我個人推薦何文田勝利道 " 徐正雄獸醫診所 ", 口碑幾好架, 早排仲因為做唔切, 唔收新症, 不過最近收番啦, 俾埋另一個選擇你吖, " 香港非牟利獸醫診所 ", 地址係 : 太子基隆街24號地下, 呢間係非牟利機構(即係玉女敏捐錢開嗰間呀), 價錢會平啲, 而且設備又新, 啲工作人員重好nice添. 我上個星期六帶我隻狗狗去呢間去打針, 做身體檢查同驗血, 上年喺另一間做同樣0既嘢, 足足貴一倍呀, 而且個獸醫仲無同我講解個驗血報告, 亦冇將個報告0既 hard copy俾番我, 淨係話 " 一切正常, 冇問題 " 咁咋. 但呢間就可以約時間同我講解番個報告(唔駛另外俾錢), 我好buy呢樣服務呀.

至於漂白呢個問題, 我未試過, 俾唔到意見, 不過我個人認為, 呢啲始終係化學嘢, 可能會對你隻狗狗皮膚唔好, 如果你真係錫你隻狗狗, 最好唔好試啦.

你住係邊先, 一般都要七至八百, 但如果有左又或者起水先去做, 就仲貴!

你個隻係男仔定女仔～？
如果係女仔就會比男仔貴小小，大約７－８００蚊，男仔就會再平１，２００蚊