有冇人可以幫我呀 V

人比人係一般人的壞習慣.例如:
阿某某個仔幾叻呀.讀書年年考第一.
阿某某個女嫁個老公幾叻呀.係物物公司做經理.
阿某某幾叻.跑步攞金牌.
阿物物又買樓啦.
阿物物又賺幾百萬.
阿物物又大肚啦.
阿某某個老婆又後生又靚.
阿物物又嫁啦.個老公又靚仔又有錢.

你有無覺得好無聊,阿物物某某關你咩事,好與壞都係各自的命運和努力的結果.

我覺得你好正常,一的問題都無,叻係會受人注目,會得到大多數人的肯定.歡迎.讚賞.呢的就係所人潛意式的要求,就係對自己存在的肯定價值.當其他人更叻時,你會失落,因為所有人的焦點已經轉移,唔開心係人之常情.

上天好公平,人生在世各有優點.各有所長.不能所有嘢都集中係一個人身上.無可能做特首係你,警察局長又係你,小販又係你,掃街又係你.上太空都係你,你一個人可以做曬所有嘢咩?所以唔需要樣樣都叻只要你對咩有興趣,就係嗰方面努力,人比人比死人.你要比的係你自己,今天的你優勝於昨天的你,就已經對你的人生有交代.每個的人存都係為自己,阿媽只係把你帶到呢個世界上的人,我相信每個人的阿媽最大的希望係子女身體健康.生活開心.做對社會有益的事,如果能出人頭地,就係阿媽可以受周圍的人讚賞.心理上的滿足.(就係一開始我講的受人注目而心理滿足.),如果你學業或者事業都係尖子,但壓力大到經常愁眉苦臉,你估你阿媽會唔會開心?但相反,你只係平平常常,每日盡力做好自己,笑口常開,經常抽時間陪伴老人家,關心佢的起居飲食.你估你阿媽會唔會覺得你無用,覺得你不孝.
點樣做人,要自己諗.希望你有個美滿人生.

有目標(完美)固然係好事，可以推動自己，但係凡事豈可盡如人意，你唔止要自己提自己，你要真係開竅：天外天、人上人！你自己都識講完美既人世上係冇既！你重要識得放低，做事、讀書真係盡過力就算，結果冇人可以預知。
執意要完美，重係咪完美？希望你諗得通個中道理。

其實我都係一個完美主義者，諗既嘢有時比你仲變態

或者你可以咁諗：其實我可以做到咁已經好叻架啦，自己成日都係最叻，咩都係一百分，就會只有退步既空間，而無進步既空間。

當然唔使睇醫生啦！