有關 Canon 400D 配 Tamron, Sigma 鏡頭 (20分)

其實問題不大的,我自己也是一支原廠鏡頭也沒有.
但我自己倒是有一次不愉快經驗,初玩DSLR的時候, Sigma出了一支18-50mm f2.8恆定光圈的數碼鏡頭,無論焦段及光圈均是配有焦距增長的DSLR最佳配合,便買了一支,可是怎樣影畫面也是糊糊的.後來試用手動對焦畫面立即變得清晰銳利,才知道自動對焦出了問題,去電Sigma投訴對方則堅持是機身問題,不受理.當時我有另一支Sigma 70-200mm f2.8卻沒有此問題,對方不能解釋總之不受理,機身方面由於我不是用Minolta鏡頭所以也不受理.用非原廠配件最大問題莫過於有問題時個個在推卸責任.我之後有一段頗長時間是用手動對焦影相,直至Tamron出了17-50mm f2.8這問題才得以徹底解決.之後每次買新鏡頭我必定帶埋機身,當場影啲相放大檢查有沒有移焦.這個說易不易,你要好清楚在相機LCD mon的影像怎樣才叫清晰,是需要花小小時間去摸索的.
講翻兩支鏡頭,相信畫質不會有大分別,Tamron焦段較長但冇記錯佢係膠mount的,耐用程度會較差.但係Tamron又有1:2放大率,有時權充做微距鏡又幾方便.如果一定要揀其中一支我會推薦Tamron啦.
用這類方便鏡要有心理預備有啲地方要妥協,首先對焦速度一定係慢,如果諗住用連續對焦影動態物件多數會失望.其次係手震問題,焦距又長又冇防手震,長焦距那一段只有在光線十分理想時才能手持.否則就要用腳架.畫質方面我反而覺得OK.
其次係會有焦距唔足既問題,在同一位置拍攝,只有在對焦無限遠時才可以跟低倍數變焦鏡有相同放大率,對焦近物件會發覺物件細咗,要走翻近先有相同效果,但對拍攝影響應該唔太大.
最後我會建議你等一等,因為聽說Sigma 18-200mm f3.5 - 6.3 DC OS已經在六月一日發售,香港或許會快有貨.我始終覺得防震是這類方便鏡的必要條件.價錢或許會貴一點但絶對值得,而且Sigma價格一向頗合理,Canon mount又十之八九會係首先推出.聽說最近Sigma服務變好了,會受理移焦鏡頭.

2007-06-10 07:20:14 補充：
不用客氣,很高興意見對你有用