點揀?兩男一女
2007-06-06 1:57 am
我有個拍左4年拖既男朋友,就係這段時間裡面,我公司個男同事(司機)同我講佢鍾意我,佢大我十年既~一直當佢係爸爸,仲拒絕左佢,但係..唔知點解突然間我真係鍾意左佢呀~就係星期五個晚,佢車我返屋企途中,佢話想錫我呀拖我隻手呀!我當然比佢嚇親呀!到左最後都係冇既,我仲為左佢呃我男朋友電話冇電呀!~個晚,仲傾到成差唔多十二點呀~當我沖涼之後,就見到佢同男朋友都打過比我呀!我竟然第一時間打比佢,都唔打比我男朋友呀~接著我地又傾到成二點先訓呀!佢竟然話好掛住我呀,早知頭先唔比你走呀!聽完之後,我真係幾開心架~之後我地晚晚都傾電話呀~到左星期日個晚,同完男朋友行完街後,佢打比我~佢話佢唔想做第三者呀!想好似以前咁,聽完之後,我真係好想喊呀~當初,又係佢話想同我拍拖,而家又...!最後佢又話不如順其自然啦~尋晚,佢SEND短訊話,叫我早D訓覺,因為返工個陣時,佢見到我成日都哈眼訓呀!佢話佢好內疚,佢同我講野我都唔想答佢呀!但佢又好似扮哂冇野呀!~我想問大家覺唔覺得佢(司機)係玩緊我呢~佢究竟而家仲有冇鍾意我呢~仲有又點樣面對佢呢~扮冇野,嬲佢,....好煩
回答 (3)
2007-06-10 9:06 pm
✔ 最佳答案
首先....我覺得你沒直正拒絕個司機是有不對的不想給他機會點觸要晚晚同個司機晚晚傾電話比機會佢呢?
其次, 明顯你自己都有問題
只係一兩句我愛你同傾電話氹你開心就可以呃你男朋友冇電同唔第一時間打比你男友
那你男朋友在你心中的位置何在?
如果角色調轉你會點???
另一方面, 你男朋友可能知有事但因為愛你而扮唔知...
因為你一定比少左時間比佢...
你自己明顯地貪新了...只係因為一個第三者話唔再追求而想喊...
你男友應該更想喊...因為佢因為第三者自願退出才保住自己四年的女朋友...
如果不幸成事, 你男友會更慘
個司機玩唔玩你唔知道
可能佢在日常中看出你男朋友真係對你認真, 又知你係因為貪新鮮先會咁...所以最後選擇做好人自願退出都唔定, 因為我及朋友都試過...大家都係男人知道一個男人真心付出後被第三者強行搶走愛人的感受...個司機又有一定人生經驗
但都可能係玩你都唔定....
但你肯定玩緊你男友...因為你個心態其實已經等於腳踏兩腳了
點解佢唔要你仲要問佢有冇鐘意你呢?
點解仲要問點樣面對佢呢?
同上面一樣...先問清楚係唔係愛你自己男朋友
如果只係悶想找個人鍚...
我會勸你同佢講分手好過咁拖人
2007-06-10 13:10:10 補充：
愛是雙方的單方面努力是沒用的一段感情一定會被時間慢慢將愛消減要維持, 雙方都要有尊重對方, 加上感情同責任不要只為一時的感覺而放棄自己與另一半辛苦建立回來的關係
2007-06-06 7:02 am
人真係貪念的，有一個例子了。唔好問人啦，問返自己做緊乜仲好啦，有個男朋友大家都唔係有問題。但係妳為左一d好聽既說話就改變左妳，我覺得妳都幾可憐呀！希望妳唔會因為咁樣以受傷啦！祝妳好運呀！
2007-06-06 2:51 am
我覺得你應該選擇你的男友，你的同事或許只是想和你玩玩，如果你貪新也想玩玩的，當然可以選擇你的同事。為了幸福，你應該選擇你的男友。
收錄日期: 2021-04-12 19:52:59
原文連結 [永久失效]:
https://hk.answers.yahoo.com/question/index?qid=20070605000051KK02025