物業管理入行一問!!!

我唔知你物業管理的意思係邊隻，因為保安員都可以話自己係物管理從業員。但係你話做物管的，又係另一回事。

(1)可以讀ive的物業管理高級文憑。不過個人建議你入左行做左試過先，因為呢行認受性最高的課程係港大space的物業管理專業文憑或者城大的房屋學(housing studies)學位。呢兩個課程都係升做經理級或入會(hkih//mih)必讀的課程。

(2)唔駛自己俾錢考的，公司培訓都ok，因為你就算考左，都要公司幫你蓋印。而且，有部分職位係唔需要spp的

(3)多數都係60條mc，仲要係common sence，你無可能唔識的。你認為佢16個鐘教哂你的野會有幾深？

(4)睇你做咩位，保安員唔駛輪，做開果更就係果更。做物管就唔同d。輪更的多數係商場，做住宅盤大部分都係朝九晚六的時間，而且放公眾假期(有個別屋苑例外)。工廈同商廈就更加唔駛講，人地都唔返工，你返黎做咩？不過，做住宅的遇上開agm的時候，做唔理咩日子都要返。

(5)唔算難，呢行只要你肯做，eq夠高，咁就有人請，你未做過，可以由ea(屋村助理)位或者apo(助理管業主任)搵起。今年市道好，apo人工平均有8.5k，ea我就唔知價。

最後勸你做過先好諗係咪進修，因為好多人入左黎發現呢行無想像中咁專業同權威。我咁講你好難明，你做落就知的啦。

沒有前途的行業, 做Estate Manager都係20k(最少7,8年經驗), 成日俾人(客)鬧, 而家做這行好講性格, 或者係叫做唔好有性格.

投資顧問 適唔適合

你做一年 到幫到你 將來係其他行業發展

年薪大約10k-15k

如有興趣 電郵給我