汽車水箱一問

未必每架車嘅表版都有一個特別嘅燈去之顯示水箱唔夠水. 有嘅話通常都係有盞紅色或者黃色嘅燈, 有個好似箱咁嘅長方形, 上一條喉, 長方形入面有D波浪紋, 如圖:

http://www.volvoclub.org.uk/faq/ImagesProcedures/LossofCoolantLamp.gif

或者直接有盞燈寫住"low coolant"呢幾個字

不過就算冇燈的話都可以知道係咪唔夠coolant, 方法係睇番表版嘅水溫計(通常係寫Temp, Coolant Temp 或 Water Temp, 唔係油溫計Oil Temp), 一般嚟講支針會喺中間. 如果發現支針比平時上咗去D, 或者時上時落 (塞車時高D, 快車時低D), 咁就可能係唔夠水.

係一定要入蒸餾水, 因為其他水有雜質同礦物質, 會影響水箱同喉嘅表現, 甚至生銹. 如果係少咗太多嘅就要加埋coolant. 一般喺街買到嘅coolant已經係混合好(通常係一半水一半coolant, 或60:40) 不過要自己加嘅就一定要架車engine凍咗先好加, 因為水箱係高壓, 加上高溫時, 一打開個水箱蓋入面D coolant可能會噴出嚟, 會濺出嚟嘅液體甚至蒸氣會燙傷自己. 最好係有條濕毛巾包住個水箱蓋, 伸直隻手等個水箱蓋口同自己保持最遠可以觸及嘅距離, 先去慢慢逆時針咁棄逐少逐少開, 咁就比較安全.

早上未開車前車頭凍打開水箱蓋看看，見到有水就唔使加，
咪水－－－隔夜水喉水就可以，如要花錢，到汽車店買水箱冷卻液．