見到晒喇...*仲好清楚添!!!

1)唔係好明你形容既情況係點,你話佢地成舊野咁,都唔係好明即係點樣,或者我講下情形係點
女鼠發情期係會背向天,身體較扁平,尾向天,有時你用人手摸佢背,佢都會擺出呢個準備交配既姿勢.
男鼠發情期睪丸會漲大,會去聞女鼠既尾部,如果見到女鼠準備交配,就會爬上女鼠背部,再進行交配.
交配過程中,男鼠尾部會郁,最後會定左落唻,之後再分開.

你話兩隻鼠成舊野之後係唔郁,所以有d懷疑係咪真係交配,但你講既情況有d唔明,所以你再講多d or睇下我以上所講既你明唔明啦.

2)你話女鼠下體有d血,即係幾滴左右定係點?之後仲會唔會有呢?
有血既原因通常都係以下原因:
a)子宮受感染
如果佢地真係交配,有可能係子宮受到感染而出血,要留意佢出血情況,多血既要睇醫生.

b)鼠鼠本身冇月經,但都會有類似月經既血排出,一生只係排出2,3次,每次非常少量,大量既話就要睇醫生睇下咩原因.

c)如果keep住有血,就可能係子宮腫瘤,我之前隻都試過,俾個情況你參考一下:
1.下體出血,初初只係好少量,少少濕,一兩點血.
2.忽然有日好多血.(醫生話呢d病係咁唔穩定)
3.有少少血期間依然活躍,冇咩食少到野.
4.多d血時,冇咩力,又食少左野. 留意清楚你隻鼠係咪好似all血咁啦,初時真係好似冇咩事咁,但唔好大意呀.睇醫生既話可以考慮一下.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院
Tel: 2687 1030 地址:大圍積信街75號地下
http://www.taiwaiexotic.com/

d)外傷
如果有打交,都會令鼠鼠流血

3)就算有交配都唔=會生bb既
倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既.
懷孕既特徵有以下幾點,但的確唔易肯定:
a)鼠媽媽個肚會忽然大左少少,但食得太多野都會肥.
b)乳頭會較為明顯.
c)心情煩躁,但兩隻鼠一齊,好多時會有打交既情況,所以冇bb都會咁,所以難分.

4)我覺得攤係度又唔一定係因為交配完,我以前所見過既都冇呢個情況.
而家天氣熱,鼠鼠都較易會攤平身體,肚貼地咁訓去散熱
鼠鼠成日都訓,熱天又會訓多d休息多d,未必係交配而咁樣既

另外,,因為繁殖真係有好多問題,希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶