工傷問題??????

工傷個案，如果僱主有買勞工保險就一定有得賠。而且唔係「傾」，係由勞工處發出證明書硬性規定保險支付需要補償的金額。
至於你自己購買的私人意外保險，不會理會你買幾多份，都要依照保險條款作出賠償，同勞工保險的補償是兩碼子的事，兩者完全沒有衝突；但要留意保險條款內容，部份意外保險賠償是有條件限制的。
而若果你購買的保險包含有意外醫療費用，就要小心處理，因為有關的意外醫療賠償形式通常是實報實銷的，且亦會有次數和金額上限之限制；反之勞工保險的醫療費用補償，則規定於兩年內不限次數，但每天每次可回付卻有上限限制。因此工傷個案的醫療費應先claim勞工保險，餘數不足回付者才再claim私人的意外醫療保險，而不能兩方面同時重覆作出賠償；你應該立即聯絡你私人保險的經紀，佢地有責任協助你如何去claim一切有關的賠償事宜！
警告，切勿私底下與醫生商討如何將醫療費用或病假紙分單或更改金額，若保險公司發現反而會嚴重影響你的賠償！

你只要係自己獨立買了一份意外保險，你就可以連同勞工保險一齊賠，而且係獨立分別咁賠償，即係報勞保同時你也可報你自己的保險公司都有得賠，不過醫療保險就只可以報其中一間公司，你自己的保險公司賠償較高，所以如果你要住院或睇私家醫生我建議你claim自己保險公司較好，而且勞保同你自己的保險公司都要正本的收據及醫生紙，所以你要攞定兩張正本(好大機會要比錢買)，如果你去政府醫院睇醫生，可能攞唔到，咁你就要攞住政府醫院的醫生紙去私家再睇，你講明要多一張醫生紙正本，到時醫生唔使點睇都識做。

比個貼士你：記住你所有單據及醫生紙同証明，記住影印存底以防有用。