有家中傭人請進

人心肉造,你對佢好佢會對你更加好,
如果你家有老人或小孩,就更加如此,
佢會對待你的家人好去報答你,
你自己都係打工,你都想個老細信任你.
彼此尊重係大前題,客客氣氣大家日子都易過D,
人地都係為左生活拋夫棄子越洋打工,
都會好安份唔敢亂來,
當然你都要有做主人的界線同量度,
另外,不要引人犯罪,貴重o野都係要收埋至好.
食o野方面,我會預埋佢個份,
通常佢都好拘謹,或者唔o岩口味食好少.
或者唔食,我重驚餓親佢無力做o野.
夜晚o個餐我地習慣叫佢先取用自己的份,
去房食,我事先解釋係想佢食得自在D,
佢都好欣然接受.
之前我在AGENT公司揀選工人時,
每個工人D特質佢地都幫我分析,
我呢個工人係已婚比較定性,
有四孩子懂照顧細路,
但係做o野會慢D...
個樣都幾老實...
到依家做左十五年la.
曾經回鄉又番來幫手,
D細路都好鍾意佢.

1. 如果你的份量有多, 先分俾佢都可以, 如果無多份量, 唔俾都可以, 總之有3餐佢食, 唔餓親佢就ok.

2. 我睇法係, 哩d食物值乜嘢錢呀, 佢食又唔會用你好多錢, 加上通常工人, 你叫佢食, 佢都未必敢食.

3. 超市通常都係我阿媽同佢一齊去, 如果你真係唔得閒去, 如果你要佢去格價, 佢都要去啦, 你係老細, 佢係打工, 你係俾錢請佢, 當然要佢做到你要求.

我請過咁多個工人, 佢地都係自備日用品, 可能佢地training時有同佢地講過啦, 如日用品, 茶葉, 講真, 如果你覺得哩d嘢係好私人, 唔想同人share, 你可以同佢講唔好用你的, 我自己就無所謂, 我都有叫工人鐘意用, 食d乜, 隨便食, 用, 但佢一d都無用過, 無食過.

講信任, 自己試過工人偷錢, 所以盡量真金白銀就唔好放d當眼地方, 自己收好佢, 洗衫褲, 褲袋入面d錢都最好自己清咗佢先攞俾佢洗.

最後想講句, 每樣事情都有2面, 你想工人做得好, 你要先對佢好, 佢喺你屋企做嘢, 喺度住, 起碼佢都叫半個家人.