我隻八哥唔知係咪皮膚病呀

你隻狗狗應該係皮膚敏感呀! 我以前隻狗狗都係咁, 每次剪毛, 成身都會起晒紅色0既粒粒, 幫佢搽啲藥膏, 過兩三日就會冇事.

而皮膚敏感的起因, 除咗先天之外, 後天就可能同佢0既飲食有關, 佢食開邊隻牌子0既狗糧呀? 有冇俾其他嘢佢食呀? 所有咸同油膩0既嘢都唔應該俾佢食, 如果佢而家唔係食緊天然糧, 你就應該幫佢轉啦, 會令佢0既皮膚好啲架, 天然糧有以下幾種, Canidae, Timerwolf, Yarrah....etc.

我隻狗狗三隻牌子都試過, 我個人建議你俾佢食Yarrah, 呢隻係100&% 0既organic food, 冇鹽, 冇味精, 冇防腐劑, 可以好放心俾狗狗食, 喺歐洲好hit, 但香港就唔係太多人識, 可能因為冇乜做宣傳0既關係啦, 呢隻牌子唔係好多地方有得賣, 如果你搵唔到, 就買Canidae啦, 呢隻牌子都係天然糧, 但唔係100% organic food, 我隻狗狗未食Yarrah前, 就係食佢; Timerwolf 都係天然糧, 但我隻狗狗唔鍾意食, 食到好似誓願咁呀!

按照你0既形容, 你集狗狗應該只係皮膚敏感, 唔係皮膚病, 暫時唔駛睇醫生, 你觀察多兩日啦, 如果佢0既情況冇好轉或者轉差, 就要帶佢睇醫生啦! 東通附近無獸醫, 如果你真係要帶佢睇醫生, 就出旺角自由道太平道一帶睇啦! 係就係遠啲, 但為咗你隻狗狗0既健康, 冇辦法啦! (我本身住粉嶺, 亦係帶隻狗出旺角睇架, 你可以call 貨van, 我由粉嶺出旺角, 連隧道費$118, 東涌應該貴幾十蚊度啦) 嗰度有個叫 " 徐正雄 " 0既獸醫, 口碑相當好, 不過可能有時太多客0既關係, 輪候時會有少少亂, 佢早排因為太多客做唔切(佢唔好, 就唔會有咁多客啦), 唔收新症, 但最近收啦.

其實八哥呢類狗係屬於皮膚比較敏感既狗狗之一，通常皮膚問題最容易係春天夏天兩個季節出現，你可以俾d針對改善皮膚問題既補充劑俾佢食，另外可以買d藥膏俾佢搽，皮膚問題應該可以無事，唔需要睇醫生，因為醫生通常會俾抗生素或者類固醇俾狗仔食，咁d皮膚問題就可以暫時解決，但係d皮膚問題好似周期性咁冇幾耐又會再出現，要真正解決問題，始終要選擇治標治本既方法。如果你想帶狗狗去睇醫生，可以選擇旺角既梳椏道動物診所既dr. tint，而如果你隻狗仔乖乖唔嘈，你可以將佢入落寵物袋，帶佢搭地鐵，可參考以下的網頁:
http://www.pet28.com/profile.asp?id=15833
http://www.pet28.com/profile.asp?id=16402
http://www.pet28.com/profile.asp?id=8641