想養多一隻狗狗的問題

好好同返自己屋企人講下啦, 因為d狗仔賣左比人佢既下半世就好慘架啦
我之前都係住公屋唔比養, 之後我比左人, 人地又將我隻狗比左另一個人,
E家都冇晒隻狗既消息, 我好心痛好傷心, 之前都試過送比過朋友, 後來朋友唔養又比返我, 哇, 隻狗返到我屋企之後, 開心到佢丫, 不過佢之後都怕左出街, 好怕一出門口又將佢送左比人咁, 所以話呢, D狗好有性, 你一定要好好說服你屋企人呢, 隻狗係跟開你就係跟你一個主人架啦, 比左第2個人, 佢唔會跟第2個架啦

你知唔知點解寵物店肯回收, 係因為隻狗可以做生產力促進局, 不停生產, 生到死, 生到老呀, 唔該你地攞d良心出黎啦, 我都住居屋, 仲有五隻添, 只要訓練得好, 佢地既存在根本無人發覺, 試過同鄰居講起, 佢地先知我有五隻狗, 所以呢, 唔關狗事, 係主人的問題, 如果唔係太大, 我可以考慮接左小狗, 但要約法三章, 我唔再比番你架, 我會照顧佢終老, 佢唔係一件傢俬, 唔可以鐘意就理下, 唔鐘意就送比人, 佢都會有心靈創傷, 我接佢都要比段時間佢適應, 你有意思就電郵比我! 有好多野真係一生一世, 唔可以玩玩下!

你屋企人點解唔想養兩隻狗呀?...
驚兩隻狗嘈得滯?...定話開支大呀?

我諗你要了解清楚點解唔比你養兩隻狗先！
咁先可以對症下藥丫麻！

你屋企人應該都係愛狗之人黎既！
你可以同你屋企人講...如果唔收養番隻狗...
隻狗冇人要, 可能要令去人道毀滅....好慘的！
就算有寵物店肯收養.....佢實係會賣比人...
一陣賣左比個壞人對隻狗差...一樣死...

又或者...

你話暫時收養番隻狗先直至有其他信得過既主人收養...
因為你朋友住公屋收信丫麻...
所以你反過來代養！
我諗你屋企人唔會咁忍心, 自己丟左隻狗掛?！

同你家人商量下啦！努力！

ps. 嘻~我都好想養史納莎啊！