點樣"斬"波？

斬得高係冇用架,
最緊要斬得準,
就算我將個波斬到十樓都好,
咁你都o黎又有乜意思呢?
雖然我唔否認大力冇用,但最緊要係準
斬波第一樣要學係腳力，如果開角球下下都出盡飲奶力先至斬得到去近柱，咁又點會斬得靚呢？用盡力就冇control喇。所以要有番咁上下腳力。
斬波同大腳解圍唔同，大腳係有咁遠踢咁遠，所以大部份時間係用正腳背兜波底炒埋去。斬波一係畀波到隊友腳，一係畀位。通常都係望一望自己想斬去邊，然後忍住度力，用腳內側送個波出去，不過唔好落咁多篩，又或者用腳趾公對落少少個位，畢個波出去。因為斬波一般都係過頭波，所以都係踢個皮底，不過無需要掘波底，掘得深個波會高，畀對方守衛大把時間破壞你嘅傳波，同埋波太高隊友無論迎頂或窩利都冇咁好。
另一種斬波都係用腳內側，不過係好急勁咁扯埋去，都好有威脅架。當然如果你師承碧根包華，你可以好瀟洒咁用腳外側扯個靚波出去。
話得說回來，上面係理論，睇完唔會碧咸上身，你一定要練得多，咁就自然好架喇。
斬波並不難，只是你掌握不到的。踢足球，最緊要是多練習。熟就會準。
斬波主要是使用腳趾公內側斬波。
試將足球平面分為９等份，即：
１２３
４５６
７８９
斬高球，有幾高得幾高就是使用腳趾公從方位８以４５度角左右向上踢。
右側球，則以用腳趾公內則從方位８開始拉至方位６，角度大約也是４５度左右。
斬波不難，主要是抄波底（即方位7-9的位置），及角度。
越高角，高度越大。力度越大，距離遠。

補充：
只要事先，想像球的去勢，再想想該射那個位置才能做到。多練習，就能得心應腳。
要個波直射，只要用腳面直射位置５，球就能直線去。
注意技巧：
時常想像足球的九點和角度。每一次出腳之前，都要好好瞄準踢球的位置和角度。

要更準確，可以將足球分成１６等份。