關於泵人奶的問題...

如果你bb啱啱食飽,或者在1个小時內你都覺得佢唔會食住,你就應該將d奶放入雪櫃,因為低温可以防止細菌滋生,實際的時間你最好問医生。,我話1个小時係因為每次你將Ｄ奶由雪櫃拎出嚟比ＢＢ食,又要"坐"返熱,整嚟整去都差不多了!而將幾次泵出的人奶倒埋一齊,應該冇問題,只要唔好將Ｄ飲完飲剩的加埋一齊就得喇! 我睇書話个胸嘅大小同有冇奶水係冇關係嘅,我係住响英国,Ｄ鬼婆个个都好大胸,但都會有Ｄ餵唔到人奶,而我自己就聽midwife講,多Ｄ比bb啜(或者你泵),每邊大約10鐘就夠喇,過2,3个鐘又試吓,慢慢就會多Ｄ啦! 另外你都要放鬆Ｄ,唔好比自己太大壓力,你太緊張都會有影響。西人冇話飲Ｄ咩嘢湯水,但我覺得有好嘅湯水飲吓應該都有幫助,你可以請教吓Ｄ老人家,但要注要太補嘅可能太燥熱,亦會影響到bb.
另外提提你如果直接餵ＢＢ時,每邊不要超過15分鐘,一來好傷乳頭,二來ＢＢ好容易就當咗奶咀咁啜,而ＢＢ唔肯食可能係唔餓,如果佢餓佢只會博命啜,啜唔到就大喊,所以唔駛太擔心唔夠奶 ! 而我初初都唔知ＢＢ食唔食到,食幾多,所以就試吓泵出嚟睇吓有幾多,初初真係嚇死,２邊加埋得３oz咋!!!但慢慢餵吓,泵吓,過１,２个星期２邊加埋有10oz了!你亦可以試吓沖涼時輕輕按摩吓,希望可以幫到你啦！

1. 泵出來的人奶是一定要放在冰箱,雪入雪櫃可存放 24hr ; 雪入冰箱可存放 2wk+ -

2.可以把幾次的人奶都存在同一個杯子裏.

3.你要飲番茄魚湯...雞湯...木瓜魚湯...豆腐魚湯...你自己飲多d奶呀..水呀..果汁..
生果呀你先會慢慢自然多奶...因為人奶都係水份..
你要飲多d水..同時你食野要小心..如果回奶的食物千奇唔好食...重有多d按摩乳房