大學選科 SOCIAL SCIENCE

對心理學都幾有興趣非常好，我也是因為這個原因而主修心理學。讓我分享一下經驗吧！
A. 主修心理學的出路
讀心理學的人出路可以說好好也可以說好不幸。好好因為你做乜都可以話因為我有心理學Background，所以我更會和別人Communicate。又或者說我讀Psychology今我很喜歡思考，且好Systematic，天啊，任你吹都可以！但不幸的，我們沒有一條明確的路。

自己畢業後從事培訓工作，培訓同事工作技能，跟心理學談不上直接關係，但因工作有Soft Skill Training，如Communication Skill, Selling Skill, Negotiation Skill，心理學的知識有一定幫助。而我目標希望是讀Master in Industrial / Organizational Psychology，傾向是Business 的 Human Resources 吧。

而我其他同期畢業的心理學同學有些從事教育，有些Marketing，很多做Research Assistant，有Customer Service，也有Merchandising … 基本上同普通Degree的出路一樣。
香港心理學的發展不完整，沒有註冊制，所以成不了專業。你有勇氣的話不妨自行創業，大可以話自己係心理學家，因為一般市民根本不認識心理學，以為讀心理學的人好勁咁！(我真係想過開間專教小朋友Social Skill, Leadership, Creativity的中心架！) 唔係想打擊心理學的畢業生，不過畢業後的心理學人真係好灰… 所以你見工時Sell你的Soft Skill 如Creative, Initiative, Good Writing, presentation, hardworking etc....好過你話你自己係心理學畢業。
有人認為HR適合讀心理學的人，但Business始終是Business畢業生的天下。要知道HR好多Technical 的東西如Payroll, MPF，心理學的人係唔會識的。其他Banking, Accounting, Marketing就更加同心理學無關吧！任何Degree 學生也可以選擇。
也有人誤以為心理學畢業生可以當社工。雖然社工系學生要讀不少心理學課程，但心理學跟社工有很大分別，讀完心理學的人不能當社工，要從新讀過社工才成，雖然我覺得我地這些讀心理學的人比起很多Hae社工做得更好，但也要向現實低頭，始終要有個Registered Social Worker資格才能當社工。也不要以為只要我見的NGO不是要求RSW就最適合我地這班心理學畢業生，我之前見過Project Assistant，他們話我表現好好，但中心主任依然覺得社工畢業生更好… 要知道大把SW畢業生都難搵工。我認為心理學的人都係唔好以為入NGO就最易了！
B. 心理學難唔難入？
本港只有三所大學有心理學學士課程，分別為香港大學(Faculty of Social Science, Dept of Psychology)、中文大學(Department of Psychology)、以及城市大學(Department of Applied Social Studies)。每間平均收生為30人，即每年只有90人可入讀心理學。
客觀點看，三所大學的心理學課程也是該校每年收生成績最高的頭五位。以中大為例，一般AL要4 Credits都係剛好入到。而城大較易，但都要3 Credits。真係唔算易入。
C. 副修咩科好
不是所有大學都可以有副修，港大心理學一定可以，但城大的機會較少，基本上只有幾個由Dept of Applied Social Studies的課程可以選修，如Criminology, Human Relations, Sociology等等。中大更難，因為實在有太多野要讀。事實上，心理學真的不易讀，要讀得好花好多時間，其實好難再有時間選副修。
主修科目成績比副修更為重要，如果放棄主修而修副修，以致兩面成績都係麻麻，其實得不償失。倒不如考好主修先。另外，顧主不會十分看重副修，畢竟只讀幾個Course就話副修，作用真的不大。朋友，我建議你入到大學後，對各大學科和對自己有更深入認識後才考慮這個問題吧！
D. 心理醫生係咪一定要讀埋MASTER？
先搞清一樣野，這個世界只有「精神科醫生」和「臨床心理學家」，並沒有心理醫生的。可以開藥的是「精神科醫生」(psychiatrist)，而臨床心理學家 (clinical psychologist) 是靠Therapy做Treatment。「精神科醫生」要讀醫然後再進修，而臨床心理學家要讀心理學學士課程或Post Graduate Diploma，然後再讀Master of Clincal Psychology才能成為註冊臨床心理學家。本港只有中大及港大有Master of Clincal Psychology。請注意，修讀心理學的人是不能成為精神科醫生的，除非你再進修醫科吧！
臨床心理學不易入，全港才不過200多人，每年可以讀到Master of Clincal Psychology的人不過20。一般被邀請有入學面試的人都有GPA3.5以上，換句話說，學生在大學時每科都差不多有A，你估易啊？
很多新入讀心理學學士的人都話做臨床心理學家，三年後很多人都失望而回。再者，臨床心理學家雖是專業人士，但不要以為人工好好，新入職的只不過二萬多元月薪，且入職不算容易 (因需求不多)。以必須有Master Degree的專業人士來說真的不算高。
E. 什麼是臨床心理學
臨床心理學是運用心理學理論來助求助者解決心理問題，又或是運用心理學理論來提升或測試某人能力的學科，屬心理學的一支。主要工作分幾種：一是心理評估/診斷，性格、行為及智力狀況評估。二是心理治療。三是研究。四是推廣，包括大眾教育及心理健康的推廣。
F. 大學選科係應跟自己興趣還是放出路入先？

這個問題好個人。我自己以興趣行先，因為自信自己的能力，不太擔心出路，的而且確，畢業出來，雖入商界，但好多顧主都賞識我的能力，不聘請主修商業的畢業生，反而聘用我。我常想，沒有興趣又怎會讀得愉快，又怎會有好成績？
不過，若你想從事的行業好專，那當然要選相關的學科來讀。但切記，特定科目不會為你帶來必然的出路，只有你個人的能力才能有保證。想想你身處大學的幾年間如果提升自己的競爭力吧！

如果你想知admission grade, 你就check
CityU既applied social sci 或者
HKU 既social science 或者
CU 既Psychology

當中HKU 既情況有D 唔同, 因為你會第二年先至揀major, 而你只要入到第一年, 就一定可以major psycho
HKU BA 或者BSc 都可以第二年揀major 或者minor psycho, 但係d 位一定會俾左soc sci 果d 先

如果諗副修既話, City 同HKU 就flexible d, 因為CU Psy 好多學分都用左黎讀psycho, 好難minor , 好辛苦d

做心理醫生(啫係臨床心理學家) 係要讀master 架, hku 或者cu 都係clin psy 既master program, 讀完之後有資格執業

clin psy 讀既野好多, 我用HKU 果個黎做example, 你自己上去睇下:
http://www3.hku.hk/psychodp/admission/graduate/dclinpsy_syllabus_a.htm

其實而家真係無咩科係可以讀完三年就係professional, 所以如果唔諗住讀上去, 都係揀d 自己鍾意架啦! 副修咩都無用!