化妝初哥需要你

面色偏黃既, 可以用淡紫色base黎改善
混合性皮膚可以係上妝前, 係T字位用控油產品, 其實位置用返普通既保濕已經ok
瓜子面同雙眼皮其實好多妝都carry得到, 唔駛擔心
有增長效果既睫毛液其實根本上咩人都o岩用, 所以都唔駛太擔心會唔o岩你既~
不過根據我既朋友個人經驗, 佢話係yahoo買唔係最抵喎... 但如果你覺得個價都可以接受既, 唔想花時間周圍格價, 係果度買都不失為一個好方法既
底霜(make up base): 可以令個妝貼面d同均勻膚色
base有好多種, 其中有d係有色既, 呢d就係調色底霜(調色液)
作用係幫你矯正膚色, 中和d唔同色既印同瑕疵
例如面黃既就可以用紫色base中和返, 紅印就可以用綠色, 黑眼圈就可以用黃色/橙色, 面青就可以用粉紅色咁
粉底(foundation): 包括所有既粉餅、兩用粉底(粉餅)、濕粉底等等
粉餅會係乾身d, 同埋粉狀既, 可以用粉樸上
兩用粉底都係粉狀既, 但係就可以濕用同乾用, 遮瑕度比濕粉底高, 而且比較方便
濕粉底就係液體狀, 會係最貼面同透薄, 可以用手指、海棉同濕粉掃上
粉底既作用就均勻膚色, 令d皮膚睇上去滑d靚d, 打好個底比之後有顏色既化妝品
用既時候係先搽base, 再上粉底
遮瑕: 一般有筆形, 膏狀同液體狀既
作用係遮蓋面上瑕疵
不過如果面上唔係太多瑕疵, 粉底本身既遮瑕度又夠高可以遮到既, 其實可以唔駛用
用既方法可以用手指印上去, 或者用遮瑕掃點上去(適合d細既瑕疵, 例如暗瘡印)
睫毛液(mascara): 主要功能有濃密、增長同捲曲, 有分防水同唔防水
顏色除左大路既黑同啡, 仲有好多其他顏色, 例如藍色、紅色、綠色等等
濃密同增長其實可以講所有人都o岩用, 而防水配方會冇咁易化開變成熊貓眼
搽既時候要「z」形咁搽
唇膏(lip stick)/唇彩(lip gloss): 唇膏一般比較實色, 唇彩就比較透同埋反光d
搽既時候可以由2邊咀角開始搽去中間, 再係中間搽多一層做出比較豐滿既效果
胭脂(blush): 除左一般既粉狀, 近期都興起膏狀同液體狀既胭脂
粉狀胭脂直接用胭脂掃掃上面就可以, 比較易控制
而膏狀同液體狀既胭脂仲可以係搽左粉底液後用手指印上, 用海棉blend勻, 先再上碎粉, 會有從皮膚透出黎既紅潤感, 亦可以上左碎粉後再掃上粉狀胭脂
參考書:
Making Faces (by Kevyn Aucoin)
Face Forward (by Kevyn Aucoin) ->呢2本都係好經典既參考書黎, 入面既例子同示範都好清楚同詳細架
Makeup Your Mind (by Francois Nars and Fabien Baron) ->NARS創辦人寫既書, 都好有參考價值架
另外, Mary Quant果幾本化妝書都可以睇下
Magic彩妝書->呢本係日本人寫, 台灣出既中文版, 都寫得好詳細同清楚
雜誌:
BEAUTY美人誌($25, 台灣出既月刊) ->呢本既化妝同美容版都寫得好好架, 可以學到好多野, d步驟又清楚
AMY ($15, 本地雙週刊) ->好多化妝既版面, 不過d步驟有時唔太清楚, 要看圖再加想像~
Miss Beauty ($25, 月刊, 一書2冊) ->呢本講d野pro d, 不過都有寫比化妝新手既專欄, 而且成本都係講化妝既, 一本可以學到好多野架
網站:
(本地)Gary Chung講解07春夏化妝
http://hk.promo.yahoo.com/skincare/200705/2.html
(本地)Mae Von化妝專欄
http://hk.lifestyle.yahoo.com/style/columnist/maevon/index.html
(外國)超模Tyra Bank教化妝
http://tyrashow.warnerbros.com/photos/video_gallery.html?=tmakeup1
http://tyrashow.warnerbros.com/photos/video_gallery.html?=tmakeup2
產品方面:

粉底:
Revlon ($100左右) -> 濕粉同2-way都唔錯, 平價牌子黎講d粉底都好出名~
l'oreal true match ->呢隻濕粉都幾好用~ 遮瑕度唔錯又唔太乾
Cezanne ($70-90) -> 2-way又平又好好用~ 卓悅有得賣
面具碎粉 ($6x)-> 粉幼又滑, 有控油效果, 不過唔太透
Skin Food喬麥碎粉($130)->幾透同埋定妝效果好好, 用左佢, 唔會出少少油左者汗就溶晒妝
眼影:
kate ($105) -> 一盒有4,5隻色架喇, 好上色, d色又靚~ 可以化到好有層次既妝
maybelline ($6x) -> 三色果隻好持久又上色, 不過d色偏實
l'oreal ($7x) -> 好上色又持久, 仲有好多色揀~ 推介金色、銀色同古銅色
Bourjois (約$100) -> 雖然貴d, 不過d色超靚, 選擇又多, 上色又持久, 仲唔會起摺痕
其實卓悅有好多又平又好用既, 不過睇你敢唔敢用啦~
胭脂:
Bourjois ($105) ->超多色揀, d色仲好靚~ 又上色又持久, 仲有玫瑰香味
canmake ($5x) -> d色好靚, 又上色
l'oreal true match ($20左右) ->卓悅有得賣, 雖然唔係太多色揀, 不過都好上色同持久, 隻啡橙色仲好自然
Mascara:
Maybelline ($70左右) -> lash stylist防水果隻好好用~ 濃密同增長都得, 仲真係好防水~ 但又唔會好難落
Fasio ($6x) ->出晒名防水, 不過難落d, 要用返佢既卸妝液先得
kiss me ($5x) ->另一出晒名防水既mascara, 水貨鋪先有得賣
唇膏/唇彩:
Maybelline water shine ($59, 特價$39) -> 質地比較透薄, 搽上咀好自然同唔會越用越乾, 不過會甩色
L'oreal glam shine ($70) ->質地透薄同爽, 唔會痴立立, 滋潤度唔錯, 又幾持久
Bourjois ($105) ->好上色同埋質地都係爽身唔會痴立立, 滋潤度同持久度都好, 比得上賣百幾二百蚊果d名牌子~
其實水貨鋪都仲有好多好用又平既選擇, 不過睇你敢唔敢用喇~

http://hk.myblog.yahoo.com/fashionnbeauty/article?mid=253&new=1
跟佢買
又平又好用
去mk可以一次過買哂

要買ｇｅ野如下．．．．．
１.ｂａｓｅ－－－－必有ｇｅ．．因為要阻隔化妝品同皮膚的接觸，以免因化妝品阻塞面　　　　　　　　　上毛孔，形成暗瘡和黑頭
建議產品：ｓｏｆｉｎａ，ｓｈｕｕｅｍｕｒａ（＄３００），資生堂
２．調色液－－－－將你的膚色調和，例如有暗瘡紅印．．就用綠色
　　建議產品：ｓｈｕｕｅｍｕｒａ（＄１５０～２５０左右）
３．遮瑕膏／筆－－－－遮蓋毛孔或班和印
　　建議產品：植村秀的雙頭遮瑕筆，，，一邊可遮班，另一邊可遮暗瘡，印
　　（＄大約２００元內）
４．粉底－－－有分乾，濕，乾濕兩用３種，，，乾就最好用於夏天，而濕就最好用冬　　　　　　　天，乾濕兩用就係可以用乾粉，又可以用濕粉，，，２合１，補妝就用乾粉
　　建議產品：ｓｈｕｕｅｍｕｒａ粉底液（＄２ｘｘ），ｍｊ兩用粉（＄２５０），ｌａｎｅｉｇｅ乾粉（＄２４５）
５．蜜粉－－－又叫碎粉，用黎定妝
　　建議產品：ｔｉｆｆａ的碎粉．．好滑（＄７９）
６．眉筆／粉－－－用黎畫眉，眉粉就掃開
　　建議產品：ｓｈｕｕｅｍｕｒａ．．．（＄２７０）
７．眼線筆／膏／液－－－－－用黎畫眼線，會令到隻眼大ｄ，筆就係初學者用，最好選一ｄ筆頭軟身，易畫ｄ．．．而眼線膏，就用掃掃開，眼線液，好高難度黎畫，畫出黎好幼細
　　建議產品：ｍａｃ眼線膏（＄１５０），ｍｊ眼線液（＄１１５）
８．眼影－－－－淺色為打底色，深色為主色．．．我建議買一ｄ眼影套裝，抵ｄ同方便ｄ．．．如資生堂（＄２５０）同ｓｏｆｉｎａ的４色眼影（＄２３０）
　　睫毛液－－－加深睫毛的明顯，令到隻眼明亮　　
　　建議產品：ｍｊ增長或者濃密睫毛液（＄１２５）
９．胭脂－－－必用，令到你膚色紅潤
　　建議產品：ｓｈｕｕｅｍｕｒａ的胭脂，好多色選擇（＄２００內）
１０．唇彩／唇膏－－－睇書話兩隻一齊用係最好．．．又令面又有色澤
１１．化妝掃－－－眼影掃，胭脂掃，粉底掃等．．．
　　　　　　　　　眼影掃，係掃眼影在眼度上色
　　　　　　　　　胭脂掃就係掃腮紅
　　　　　　　　　粉底掃，係用濕粉時用，睇書講，用粉底掃來塗濕粉，會透薄ｄ～
　　建議產品：ｍａｃ，植村秀等ｇｅ掃都幾好用（大約＄３００～１０００元不等）
１２．卸妝液－－－落妝用，會撤底去除面上ｇｅ化妝品
　　建議產品：ｆａｎｃｌ卸妝液（＄１６８元／支，＄３００／２支）
１３．重點卸妝液－－－就係用於唇部同埋眼部．．．因為呢兩個部份，皮膚係最薄最脆弱，用普通卸妝液卸，會好傷，仲會增加細紋＠！
　　建議產品：ｆａｎｃｌ卸妝液有椰子油保護，所以唔會傷眼部同唇部
ｐｓ．如果可以的話，最好買埋眼部打底霜同埋唇部打底，會防止有眼紋和唇紋

化妝前後的程序
首先做左護膚先．．．
洗面＞爽膚水＞精華＞乳液＞放曬．．．
跟住就化妝．．．
base>調色液＞遮瑕＞粉底＞蜜粉＞眉筆＞眼影打底＞眼影＞眼線＞胭脂＞唇部打底＞唇膏／唇彩，完成
落妝，
用重點卸妝將眼和唇妝卸下，再用卸妝液卸去面上的化妝品
再做番護膚程序．．．

ＴＩＰＳ：
想塗粉底時唔怕ｄ粉起哂，或者乾到甩皮等，可於化妝當日的前一晚，敷保濕面膜，
令到皮膚有充足水份，就會令到ｄ粉好貼面，同埋唔怕乾到甩皮．．．
推介ｌａｎｅｉｇｅ的訓教面膜（＄１８０）

以上所介紹的品牌．．．大多數專櫃會有．．．．時代廣場，ＳＯＧＯ都有～
我所標示的價錢係大約的價錢，因為我有Ｄ都唔記得了．．．

化妝時要注重一Ｄ小問題．．例如有暗瘡，一就唔好化妝，一就做好打底措施，如果唔係會令到暗瘡更加嚴重．．．而眉毛最好定期修下Ｄ雜毛．．因為果Ｄ雜毛會影響整個妝容，而還有最重要一點．．就係一定要用打底液，即係ＢＡＳＥ，如果唔阻隔化妝品接獨皮膚，皮膚會好傷．．仲有卸妝要卸得切底．．．否則會阻塞毛孔，．．而形成粉刺，黑頭！！

如果想學化妝．．可以參加化妝課程或者睇美容雜誌．．
雜誌會逐步逐步咁教你化個靚妝～
有咩問題．．．可以ｍｓｎ我．．
ｙａｎｙａｎｙａｎ９２６＠ｈｏｔｍａｉｌ．ｃｏｍ
我會好樂意回答

化妝其實好簡單, 我諗你都係想學d基本化妝或宴會妝, 若是新手, 睇書會有困難, 最好是上堂加上實習; 我平時有教護膚、基本化妝、夏日流行彩妝、宴會妝的課堂, 你可以聯絡我
email: [email protected]

其實你只要去d大公司到$d化妝品....之後你就問佢地應該點用...禁佢地就會教你嫁la....而且,有時d雜誌都會介紹下d化妝品應該點用,,,,禁樣仲好過去學!!!
e.g. f&b等等
f&b佢地成日都會教嫁!!!

其實你可以去工聯會上課 價錢很便宜 又實用