琴行唔出糧

老友，你係樂華度教呀？我係呢間琴行（荃灣）的前度學生。考完八級之後，o係度做過part-time兼教埋鋼琴添。

我係2002年考到八級，2003年開始o係度做兼職，後來開始有學生家長想搵我教琴，咁我咪o係琴行度教囉。但係呢，當時我只得一個初學學生，$190一個月咋嘛，都要拖成兩個月先會出俾我；連兼職o個o的打雜費，都唔係即刻出俾我，好乞衣o架。後來我冇o係o個度做兼職，齋教琴。教到個學生阿媽話唔俾個仔學，係2004年5月的事喇。我搞到七月先出齊o的糧囉。

其實好多老師都好唔滿意呢間琴行，好多教得耐o既，又有料o既老師，都因為琴行的出糧制度，唔再願意繼續o係度教（聽聞好似有老師撬學生添）。想當年有老師話要打去老闆娘任教的中學投訴，甚至有老師上埋生果報投訴，老闆娘都當冇回事。而老闆娘遲遲唔出糧的原因，聽聞話係要貪銀行o的利息。如果佢準時出糧，o的息會少o的喎。好多時都會遲一、兩個月先有，要催住、計住佢呀。唔係老闆娘一定搏大懞，唔出糧俾你。

呢間琴行原本有三間分行，荃灣、淘大和海怡。我上個月去過淘大花園，發然該分行變o左電器店。唔知海怡o個間仲有冇o係度喇。

唔知你係邊面o既老師？老闆娘最多o係荃灣個邊出現，你真係要成日催老闆娘，煩到佢覺得你煩，佢就會出俾你。假若好彩出得齊o的糧，你都唔好再o係度教喇，唔值得幫o的咁乞衣o既琴行打工囉。

我同呢間琴行已經冇任何瓜葛，唔怕講錯o的乜。不過離開o左已經三年幾，唔知o的資料仲準唔準確，唔知幫唔幫到你。希望你能夠盡早出齊o的糧，同埋搵過第二間好o的o既琴行教啦。 :-)

邊間琴行！

如果金額小于HKD５萬元以下，可以去小額錢債法庭告佢欠債。
去差館報案告佢行騙。
如果有文件或有人証，可以揾律師出信要求對方還錢兼賠償。
揾收數佬追收。

希望幫到你