化妝得好有問題(20分)

hello, 我係亞紫，係zing the make up school讀高級專業化妝課程。

你化妝的步驟有錯，根據你的化妝需要，排列應該係清潔->護膚->濕粉->遮瑕->碎粉->眼影->眼線->睫毛->嘴->胭脂。

D粉唔勻係因為你程序上有錯，你唔應該先用遮瑕膏，再用濕粉。原因有兩個︰第一、遮瑕膏較濕粉乾身，唔容易貼實皮膚，容易脫落，所以一般上完遮瑕膏就一定要用碎粉印在上面，令它不會走位和脫落﹔第二、在沒有濕粉作初步均勻膚色的情況下，你就用遮瑕膏，而你的濕粉又沒有調整顏色到與遮瑕膏一樣，所以就會出現一「達達」的情況。以下是上妝的正確步驟和做法，你可以跟住來做。

1) 徹底清潔面部，包括骯髒的塵埃、汗水、油份、太陽油、化妝品等
原因︰為保濕作好準備，讓護膚品更易吸收，提昇皮膚狀態
方法︰如果太髒，可以先用洗面產品清洗，然後用棉花拍上含有水份的化妝水
產品︰Bioderma 的Sebium H2O (比較清爽，適合混合性或油性皮膚)
(2) 滋潤面部皮膚
原因︰提昇皮膚狀態，使妝容更持久，不容易出現出油和浮粉的情況
方法︰將保濕產品放於掌心，然後塗抹於面部，直至完全吸收為止
如果皮膚很乾燥，可以厚厚地敷上一層，等待皮膚吸收，不用抹去多餘的
產品︰Nars 的 Aqual gel
(3) 塗抹濕粉
原因︰初步平衡皮膚的顏色
方法︰將一瓶較深色的濕粉與較淺色的濕粉與掌心混合，調較至最接近你的皮膚顏色
先用手指塗抹在較乾燥的位置上，再用海棉印勻
不要以為用較淺色就會使自己的皮膚白一點，因為你頸部的皮膚會出賣你
也不要用太深色的濕粉去遮蓋紅印，因那是遮瑕膏的工作
產品︰NARS, Armani,
(4) 遮瑕
原因︰修飾不均勻的皮膚顏色，遮蓋瑕疵
方法︰用手指或遮瑕掃將遮瑕膏印在有需要的部位
遮蓋黑眼圈的話，要用偏橙色的遮瑕膏，先掃在最深色的部位，然後印上眼頭和眼尾的部位，以貼近膚色為標準
產品︰Nars, cover mark, prosay
(5) 上碎乾粉
原因︰固定妝容，更持久
方法︰用碎粉掃蘸上碎粉，均勻地掃於面部，這個方法較自然
或用粉撲印碎粉，然後拍於面部，這個方法則使粉較厚
必須用手確定面部乾爽，再上其他化妝品
產品︰Laura Mier, Nars, Armani
* 乾粉分兩種，一種係碎粉，一種係粉餅，功用不同。碎粉係濕粉後馬上掃上的，出街補妝的就用粉餅，方便攜帶。
(6) 畫眉
原因︰令眼部看上去更有神，初步勾畫眼部輪廓
方法︰ 眉粉或眉筆均可
產品︰Bobbi brown, Mac, or Nars (blondi)
(7) 眼影
原因︰令雙眼大而有神
方法︰用手指或眼影掃上
產品︰eye shadow - Nars; 眼影掃 - KP
(8) 眼線
方法︰眼線筆(最容易控制)、眼線膏、眼線液(最難控制)
產品︰Nars, bobbi brown, Mac, make up forever
(9) 睫毛液
方法︰先用睫毛夾令睫毛翹起
再塗上睫毛膏
產品︰HR (持久，不脫色，但很難清潔，必須同時購買HR的落睫毛膏的清潔液)
* 睫毛base的功能係保護睫毛，有些更有增長的功效，通常係無顏色的﹔而睫毛膏則有分不同的顏色及功效，例如更捲曲、更長、更濃密等。
(10) 嘴
方法︰如果想顏色實D，可用唇膏﹔如果想自然D，可以單用唇彩﹔
產品︰Nars, Make up forever, Lancome
(11) 胭脂
原因︰令自己看上去較精神，面色較佳
方法︰用胭脂掃上在蘋果位
產品︰胭脂 - Benefit, Nars, Dior﹔化妝掃 - KP

以上的步驟，你可以根據自己的需要作刪減，希望幫到你啦^^

除咗化妝的次序嘅次序外, 本身嘅皮膚護理也很重要,對於化妝前的準備及保護都有幫助. 我以前塊面比較毛孔粗大同多走米﹑又乾.就算有搽base,d 粉唔貼面嘅話,就唔上妝喇.

唔知你本身有無呢d問題先,if 有,就先攪好佢. 因為我有d女同事,本身d皮膚幼滑,毛孔細,好鬼正,佢地係咁二掃d碎粉,然後掃胭脂都好sharp - - 天生麗質,慳咁多真係好.

莫說冬天要加強補水補濕, 夏天都要o架, 只不過唔好用d太潤嘅面霜, 塊面水份ok的話,唔乾,就無咁多面油,無甩皮,d粉就貼,個妝就ok啦.

可能係因為你既粉底顏色同你皮膚既顏色有差異,
所以會一達達,你應該買返岩自己皮膚顏色既粉底液或粉餅~

有時看上去一樣,但塗上去有d分別~
你下次買果時"支"小小出黎試下,或詢問一下店舖裡面既專業人仕~

爽膚水>潤膚乳>潤唇膏> [先打好晒所有底層]
base> 粉底 > 遮暇膏 >碎粉(乾粉) [定左個底妝,唔用碎粉(乾粉)定左個妝,其他粉狀物一上面就會推唔開,一撻撻]
畫眉 [眉清目秀,眉好重要的]
眼影>眼線>夾眼睫毛>睫毛液>
胭脂> [可再加少許碎粉(乾粉)]
唇彩

希望能幫到你