傳聞話變焦倍數高既鏡頭, 對焦較慢. 真有其事? ? (20分)

對焦快慢同入光量好大關係,其次係有冇超聲波摩打.鏡片是否太重等.即使低倍變焦鏡都可以好慢,我有支Tamron 200-500 f5-6.3只係2.5倍變焦但對焦慢到好似烏龜咁.
高倍變焦鏡通常最重要的第一項必差.Canon可以用得的18-200mm鏡頭兩支在200mm端都只有f6.3,而且冇超聲波摩打,日光日白都OK既,室內會好難有滿意速度甚至迷焦.有時甚至要手動對到差唔多等佢自動一下對正.
55-200mm光圈只係大小小,又係冇超聲波摩打,其實唔好得幾多.
一鏡走天崖又大光圈又輕便現今科技做唔到.Nikon有支18-200各方面平衡都幾好,Canon就冇咁高變焦鏡.
仲有用得呢類鏡都係求方便,唔會帶腳架,我會認為防手震係必須功能,你用開18-55可能唔咁覺太有用,當去到200mm就會經常遇到手震問題.而且一些低光環境如室內,夜景等冇防手震幾乎唔駛影.
Canon防手震鏡選擇唔多.
廣角的有17-85 f4-5.6及17-55 f2.8
中距的有70-300 f4-5.6及70-200 f4L
都係一啲比較輕便的選擇

2007-06-05 23:20:06 補充：
好高興可以解答到你問題,先用基本鏡去了解下先都係好的.

是 Sigma 18-200mm F3.5-6.3 DC 嗎??

價錢行貨2600-2700左右. 本身支鏡無問題, 但係用係400D相信就真係麻麻地, 最主要原因係對焦好易甩焦!!! 其實呢個係Canon機既死穴, 一夾副廠鏡就好多問題!

如果你真係要一鏡走天崖, 我會提議 Canon400D + Tamron A18 AF18-250mm F/3.5-6.3

50 - 200mm, 一開始就80mm(因為 x1.6), 好難一鏡走天崖喎!
最大問題係你用部機來影d乜!

不過........... Canon機都係用返Canon鏡靚d!!!!



2007-06-04 01:15:49 補充：
Canon機 Canon鏡, 不嬲大家都知影人像一流! Canon鏡中的USM(超聲波馬達), 對焦又快又準!!USM的好處有︰1. 有低轉數高扭力的特點，峰值扭力可以在馬達低轉時輸出，可以直接連接驅動組件，減少齒輪、皮帶的使用。2. 當對焦完成時，馬達可發揮剎車碟的功效，令起動、停止的反應更靈敏。3. 操作過程近乎無聲。我建議你又不如考慮返Canon鏡!! 我自己最常用Canon EF 28-135mm F3.5-5.6 IS USM. SLR/DSLR都係一流.