甚麼煲湯料比較耐熱，煲出來的湯營養比較好？

唔知你今年幾多歲？
中國人要飲老火湯，唔會研究佢耐唔耐熱，總之好飲有益就得架啦！
以下介紹D好飲嘅老火湯俾你，得閒試吓煲啦，太子都飲唔壞架。
粉葛鰂魚湯(四人份量)
材料：
1.粉葛一斤切粒
2.紅蘿蔔一個批皮切粒(最好買台灣嘅紅蘿蔔)
3.馬碲15粒切頭切尾洗乾淨D泥(即係剩番中間D皮唔好批晒D皮)
4.粟米兩支切一吋厚
5.白鰂兩條洗乾淨用鹽奄
6.綠豆2兩、扁豆1兩赤小豆各2兩
7.蜜棗四粒
8.薑一舊拍扁
做法：
6公升湯煲一個，水大半煲，將2,3,4,6,7材料齊水一同煲
燒紅镬落油，放薑，魚身抹乾，將魚煎至兩面金黃色
水滾放粉葛同埋已煎好嘅魚
大火煲滾約15分鐘後轉細火
約煲2個半鐘就熄火
其實D湯可以唔使落鹽，因為呢款湯好甜(條魚落咗鹽奄)，如果你想咸D就加少少鹽啦
呢款湯唔止去骨火，仲有去濕嘅功效，如果你發現小便好黃，咁飲呢個湯就至啱喇。

紅蘿白,粟米!!!