RE : 金都 VS 利澳酒店

利澳同金都一樣多大陸遊客, 即使係永利咁高級都多, 因為來澳的旅客之中, 以國內遊客位大多數, 所以呢點係避唔到。
但如果同樣係多的情況之下, 間酒店的地方大d, 咁就冇咁覺眼了, 而金都會比利澳大好多, 由大堂至房間都大好多, 裝修亦唔差, 有d房仲有海景添, 唯一就係佢在氹仔, 而且算係一個冇咁熱鬧的位置。
當然利澳亦有佢的優點, 裝修幾好, 位置就腳等。
所以要視乎你來澳門的目的, 如果你要爭分奪秒, 而且主要在澳門活動, 去多幾個名勝, 行多幾間新賭場, 咁利澳就o岩晒。
如果只係行開下, 休息下, 咁金都就o岩你, 我建議如下:
中午在金都個自助什餐, 再在酒店游水, 黃昏到龍環葡韻行下(幾好氣氛), 晚上再到路環市區的雅憩吃葡國餐(露天的, 向著海邊), 他們的桑拿蝦很有特色。
第二天如果需要的話, 再安排在澳門的節目。
行程比較輕鬆, 又適合拍拖。

2007-06-02 21:15:00 補充：
除非遇著旅行團趕時間食早餐, 否則應該唔會好似搶咁。