~新手有d問題想問 , please~

答案一齊從簡，希望幫到你：
１．抽新股起碼有２種表格，１係最平常去銀行囉白表，抽到公司會直接比現貨，即係張股票實物你，由於香港好少人會做場外交易，你要買賣股票，一般要０係銀行開過股票戶口，由銀行幫你買賣，過程叫存倉，費用視乎個別銀行而定，一兩手股票多數＄１０樓下，時間一至個星期。２係用黃表，即係銀行或broker用你名義代你抽，如果抽到，股票直接存倉，上市第一日即刻可以買賣，費用好睇個別啦，銀行幾十到一百，broker可能免左都晤定，用黃表晤一定要填表， online 抽都係其中一種型式，其次如果你一早同broker有agreement電話落盤都得

２．同上，幾時放就睇佢幾時成功存倉啦，好似中信銀行０既情況明顯用黃表抽就可以第一日＄８．４賣，用白表道要呢入得黎都跌到＄６個幾，可能要蝕添

３．同１，申請online banking０既股票a/c一般晤另外收費，不過銀行會要求你擺家一定數量０既錢囉。至於盜用資料０既問題，好難有人答到你，呢個係基於互聯網保安問題，同你有幾信internet啦

４．每一次買、賣，不論是否相同股票都當一單交易，都要收費

５．我晤你所講２種係點分，但一般係買賣現貨同做孖展，你無講點用所以答你晤到，但一般人都會開現貨a/c，專業炒家先會開孖展a/c

６．得，收錢之嗎，要去銀行攪

７．a/c#，password（如有），股票#，買賣數量，價位

８．如果講平broker（經紀行,好似時富呀，大福呀０個Ｄ呢）一定平Ｄ，銀行我無留意，一般細行平Ｄ，存倉費間間晤同，一般百幾２百一年／季

其實以我所知，間間銀行都有不同的做法，如我係南洋商業銀行開股票戶口，新股存倉後，可即時賣，但須先將股票轉過去銀行，會收手續費$5，而新股上市超過一個月，便須等10日，才可賣。
依我同事話我知，經銀行係網上抽中新股，你可以即時賣，手續費係一定要收，淨係存倉費每次都要收$30。另外抽股時，亦要收取費用，但未必次次收費都相同，若幾拾元。
無論你用任何方法賣股，都要收費，而且係每次計。
打電話買股抑或賣股，有兩種，一種是有人接聽，是要收費，而沒人接聽的那一種是不收費，其實方法很簡單，只須按指示做就得，因為給予的指示很清楚易明，而且係銀行開股票戶 時，職員會有一張咭和一張步驟，教你點做，如果你想減少支出，當然你用沒有接聽那一種。
怛生戶口是不可過數去上海商業的。