貓兒給我的疑問

(一)怎樣管教這惡習!
可以大聲 ~ NO ~佢 & 大聲話佢 & 彈下爬 & 彈耳背

(二)牠可以吃白飯嗎?
除腸胃有特別問題外，不要常給貓吃飯 ~ 會 "痴牙" 導致蛀牙、爛牙 、 很多牙石、口嗅、牙周炎.....etc.

三)可以吃白餄的豬、牛、雞、魚嗎!
魚 & 雞肉也不能太多每星期1 ~ 2 餐撈糧巳足夠，其餘吃乾糧，吃乾糧可幫助貓貓磨牙，磨去牙齒上的積，SO..........選擇好的乾糧是主要的大前提。

唔好比豬肉貓吃，幾熟都會容易生虫。

食物方面：《適合已斷奶的小貓及大貓》；不要經常給罐頭牠們吃，很貴也沒有營養。可以的話去菜肉市場買一些急凍的雞柳回家，約2磅可分開2-3次用（該不會太貴）；清洗後用高身碟子盛好，加少許開水一起用鑊蒸熟約20分鐘，（留意鑊子水份是否足夠蒸熟雞柳）之後待雞柳涼了，便用剪刀剪碎雞柳，放入預先清潔乾淨的保鮮盒中，緊記和雞柳一起的“雞汁”也要倒入保鮮盒中，這才最是最重要。

然後放入雪櫃，所以保鮮盒要非常穩妥。吃的時後用蒸熱的方法翻熱，盛小許熟雞柳及肉汁翻熱，然後才拿出來混入乾糧，放暖些便可給牠們吃。 (切忌用微波爐翻熱)

如雞汁不是太多的話，於每次餵食時可加入熱開水代替（不宜太多水份）才翻熱( 肚瀉要走汁)。

2磅雞柳約可分開2-3次蒸，剩下的 1/2 或 1/3 生雞柳包好放入冰箱中，待保鮮盒的雞柳吃完了再弄。

不一定每餐也吃撈糧，一星期 1 ~ 2 次便可；其如可吃乾糧！

留意牠的大、小便，顏色及質地如何

可能你看罷覺得很煩、很覆雜，但試過一次後你便明白，其實很簡單唷!只是我寫得過於詳細罷了（你成年嗎？懂得簡單煮食嗎？如未成年或不懂得煮食，可否請家人待勞！）

也可用新鮮魚代替 ~~~ 紅衫魚
在魚市場內魚檔有售
清蒸後保留魚汁
放暖後起骨
要小心挑清魚骨
上演完~~骨肉分離後
用保鮮盒盛好魚肉及汁
放入雪櫃
大致上和蒸雞肉的做法一樣
有肚瀉情況不能吃魚
只可吃雞肉撈糧 或 淨吃雞肉 或 淨乾糧

緊記 ~~ 幼貓是少吃多餐的
不能一次過給太多幼貓吃
幼貓吃乾糧很多時會不知道飽
會不停地吃及喝水
乾糧在肚內遇水發漲
這是很危險的
所以定時餵食便可
每天約３ ~ ４餐
份量約 [ 飯瓷更 ] 一平更便可

(四)現在是要注射第一次預防針的時候,可以不注射嗎?
第一年最好打，以後隔年打一次便可

如果牠咬你的話，你可以試下用手指彈牠的咀仔，彈完之後再咬你的話再彈，咁貓貓就會唔敢咬你! 要多d嘗試令貓地知道唔咬得的。

其實貓主要糧食是貓乾糧，可間中給貓罐頭。已經夠營養了！

有些人會白拾雞肉給貓吃，但貓地吃慣了之後，就不會再吃貓乾糧的，而且會變得很挑咀的，養成壞習慣。不建議給豬牛肉. 魚都可以給貓吃的，如果是幼貓需要起骨，但有些貓吃了魚是會痾爛屎的，如果有此現象，就不要再給牠吃，可能腸胃受不了。

2個月大要打第一支防疫針，最好是要帶貓去獸醫診所打針，因為幼貓抵抗力還低，所以需要去打針令身體有抗體，如果不打針的話，沒有抗體身體上很容易感染病毒! 所以為了貓貓的健康，最好幫牠們打預防疫針，要打三支的，每隔一個月一次。

希望幫到你!

(1)o,呢d唔算係惡習姐,貓貓一般do係因為想玩就會成日咬人咬物,如果佢一想咬你你就比條毛巾佢咬,可以的話仲可以去buy一d貓貓玩具,佢想咬你的時候就用黎分散注意,等佢去玩個玩具的時候就唔會黎咬你啦!咬人咬物do係貓貓最中意做的野,唔洗咁擔心姐,如果你怕隻貓貓咬你個仔就可以將佢同個仔分開就可以放心啦!

(2)貓貓大約三個月到係唔可以食白飯架,不過可以比d濕糧佢食,容易d消化呀嗎!
(3)魚就可能食得,不過一定要去骨,唔係唔小心食埋就死啦!
(4)預防針do一定要打,三兩個月的貓貓應該可以打架啦,如果唔清楚的話可以係打之前問下個doctor

(一)呢個唔係惡習，咬係貓與貓之間玩0既手段，你要管教佢唔好亂咁咬人，如果佢咬你咬得大力，你要以重語氣發出單字阻止，例如no!!!!!!!!!!。無效的話用噴水壺都得，一咬你就用噴水壺噴佢，久而久之佢就會將咬人同被水噴聯想埋一齊，唔敢咬。

千萬唔好打！愈打佢就愈驚你，分分鐘搞到佢好反叛！

(二)貓係肉食動物，唔會鍾意食飯，唔夠營養。

(三)可以俾白烚0既肉，不過肯定未夠營養，最好俾少少乾糧佢，因為咁細0既bb貓需要大量鈣質發展骨骼，肉係俾唔到佢地0既

(四)唔打針0既後果係佢有可能因病死亡！唔好搏！

題外話，如果你屋企唔養得貓千萬唔好勉強，聽得出你0既處境係有d猶豫，到時如果你隻貓咬親你個細路，受苦0既一定係隻貓。趁隻貓仲細容易搵主人可以俾一個可以養貓0既人吧啦！