我要搬公屋啦~但係唔養得狗~大家幫下我唸辦法 .

🐈 寵物台狗

[匿名]

2007-06-02 2:17 am

今日去羅左鎖匙,過多幾個月裝修完就可以搬入去~
不過今日個負責人話,唔可以養狗仔,閹左既貓仔就得.又話''養開寵物可以養到距死去''E個甘既條款已經過左...我就有隻養左5年既狗,之前係元朗狗場領養的(雜種狗),親戚朋友又冇人可以幫養,送返比狗場又驚D人唔要,聽講如果比魚農處,距地會一針比隻狗''安樂死''...
我好擔心ㄚ~好想繼續養,但係屋企人已經確定要今次公屋.大家可唔可以比D建議我ㄚ~點既做法先對狗仔最公平最好??~多謝!

更新1:

送去愛護動物協會,如果太耐冇人領養,會比人打針安樂死架!!! 我唔希望甘囉.....我唔想搏..我覺得對隻狗好唔公平

更新2:

樓下第二個~麻煩你睇清楚我文章!有人幫我領養我就唔洗係度問問題啦!!! 請不要發無謂的文章!!!我現在很需要幫助!

回答 (6)

RX-78-2

2007-06-02 11:06 am

✔ 最佳答案

其實你想的話我念繼續養都無乜問題,在乎你多d
我都係住緊公屋,只要你隻狗唔嘈同你和你隔離左右攪好關係就問題不大,最多買條滅聲帶囉
只要無人投訴你邊個得閒理你丫,又唔係殺人放火
就算連樓下d看更都成日同我隻狗玩,玩到我都覺得佢地有d煩添
即係簡單講有人既地方就有問題,你攪掂晒d人就咩問題都無
就當你真係俾人投訴都仲有方法,你話隻狗唔係你既佢只係朋友或親戚一星期要我照顧一兩日.或者你直頭話朋友帶佢黎食飯佢夜d會走一樣可以.

👍 0 👎 0

2007-06-02 5:46 pm

你好!如你屋企唔比養狗而想好好安置狗仔,可聯絡以下兩個機構,1)拯救遺棄寵物中心 tel:23835553 ,2)保護遺棄動物協會 tel:28380633,希望可以幫到你

👍 0 👎 0

用戶4847

2007-06-02 4:33 pm

我好同意樓上rx-78既講法,因為我都係住公屋,一樣都養緊狗狗,重2隻tim @-@
我屋企果2隻有時打交都會嘈,不過隔離屋都唔理,所以就繼續養lo
只係帶佢地落街玩就要避忌d,因為樓下始終人多,會比較煩,
所以我都係出左屋村area先放狗狗落地俾佢地自己行,
係屋村area都會抱番住佢地...

所以呢...如果你真係搵唔到人要 & 唔捨得佢既,可以試下偷偷地繼續養既
俾人投訴既咪話唔好意思丫...聽日羅佢走架啦@-@""" 咁lo....
最好就帶口罩,吠唔到,影響唔到其他人應該無事既~

👍 0 👎 0

用戶115697

2007-06-02 6:02 am

你試下上 d 養狗人仕既網頁 .. 出 post 講你依家既狀態 .. 睇下有冇人幫到你 ..
有好多人屋企都養幾隻狗 .. 而且屋企地方又夠大 .. 經濟許可 .. 可能佢地會幫到你 ..

👍 0 👎 0