去游水時點先可晒黑d?

✔ 最佳答案

你可以去莎莎買HAWAIIAN TROPIC以下呢幾款太陽油：
1.DARK TANNING OIL ( 俗稱 : 泰國金蓋黑鬼油 )
功效 : 完全冇防曬，比較油...曬出黎嘅效果比較深金銅色！
用法 : 曬前15分鐘搽，然後每45分鐘落水洗淨，再搽就OK嫁喇！

2. ROYAL TANNING BLEND ( 俗稱 : 泰國紅蓋黑鬼油 )
功效 : 完全冇防曬，比較油...曬出黎嘅效果比較深銅色偏紅！
用法 : 曬前15分鐘搽，然後每45分鐘落水洗淨，再搽就OK嫁喇！

3. TANNING AMPLIFIERS
功效 : 完全冇防曬，似水一樣...唔會覺得油，不過曬嘅時候會好多汗，要記住拎多條毛巾不停印汗...曬出黎嘅效果比較深銅色帶橙色...我自己用過覺得勁正！
用法 : 曬前15分鐘搽，然後每45分鐘落水洗淨，再搽就OK嫁喇！

不過要緊記...呢幾隻油都係冇防曬嫁...真係唔好過量咁曝曬...一黎好易曬傷...2黎曬到甩皮...痛之餘仲會等於冇曬過...如果萬一真係曬完覺得皮膚好熱同好紅...你就已經有曬傷嘅反應...所以你最好都係買定多支曬傷用嘅GEL去搽...個名叫" COOL ALOE GEL"...去到就放入雪櫃先...曬完返去唔理有冇曬傷都好...沖個涼就好搽...會KEEP色之餘...仲可以幫你皮膚減少甩皮嫁...另外係要提你...真係唔好彩甩皮...千期唔好多手搞佢地...唔係連本身冇事嘅地方都會整傷埋嫁...只要不停搽GEL就OK...自己小心囉！玩得開心D^^

回答 (2)