想問係九龍區,可以在那些地方做身體檢查

我本身就係工聯會診所做開身體檢查嘅! 你可以上他們的網頁
看看, www.ftuclinics.org.hk, 有好多 package 選擇, 有埋婦科檢查
做, 質素ok, 價錢合理, (起碼不會賺得太多呀!) 地點有中環, 旺角及
荃灣, 我覺得是穩陣之選.
我上次05年於荃灣度做, (連埋婦科檢查一齊做), 姑娘姨姨幾細心
同好有耐性, 約3小時左右完成, 醫生講解報告都幾詳細.
今次剛剛在昨天於中環做完, 都ok喎! 有埋骨質密度檢驗做,
同預期差不多, 約3小時完成. 姑娘姐姐同樣都好細心同好有耐性,
只是等嘅師奶就麻煩d, 一味話自己趕趕趕, 好似自己分分鐘幾十萬
上落咁, 係咁吹d姑娘, 唔怕得罪講句吖, 趕就比貴d去私家醫生度做啦!
d姑娘都忙到抽筋, 做到唔停手, 你想佢哋點呀! 不過男仕就真係會快
好多嫁, 因為做心電圖時男護士就同男仕做, 姑娘就同女仕做, 所以
男仕會快好多, 男仕小吖嗎!
我就6月9日有報告睇, 快過上次係荃灣度做.
順便提提你, 我兩次預約時間都要成個月嫁!
希望幫到你啦!