✔ 最佳答案
買賣,轉讓,租借嚴格黎講係可行但唔合法嘅.
粵港車牌係方便響國內投資嘅香港人往返兩地之用,既然冇用,咁即係唔需要啦,就應該交返出黎啦.
當然,粵港車牌非常渴市,有錢都買唔到,所以,冇人會咁蠢無條件交還囉.
好多人都會有償咁租俾D需要嘅人用.
方法係:人地將部車過戶到你(或者你公司)名下,然後你用你嘅資格/配額申請將個粵港車牌掛響佢部車,記名司機寫俾對方,咁佢就可以揸車來往兩地.
風險係:咁做唔合法(雖然冇人會去查,查亦未必有證據),對你黎講:部車係屬於你嘅,即係如果人地用部車做咗乜嘢壞車,而嗰件事係要追究車主嘅,你要上身;對對方黎講:部車無憑無據轉咗俾你,如果你唔認數,架車就係你架啦,萬一你破產,架車係你嘅資產之一,會變成你嘅債權人分錢嘅財產之一.
不過如果真係你情我願,都可以嘅.