落仔問題"..希望各位可以解答我既問題..吾該

你要事先打電話去家計會預約架 !!
就算你親身去到，佢個日 full 晒就唔會幫你睇
要你預約下次再幫你睇咁
所以為免白行一趟，最好就打個電話去先啦 ~~
而且佢地會先問你係睇咩野，同埋話俾你知o個日大約要用幾耐時間同診金幾多等等

你係屬於廿六歲以下未婚懷孕既少女
係要去佢地o既青少年保健中心

灣仔青少年保健中心 :
灣 仔 軒 尼 詩 道 130 號 修 頓 中 心 九 樓 902 室
電 話 ： 2575-4799
服 務 時 間
星 期 一 至 五 上 午 9:00 - 晚 上 8:00
星 期 六 上 午 9:00 - 下 午 1:00

旺角青少年保健中心
彌 敦 道 573 號 富 運 商 業 中 心 十 三 樓 A 室
電 話 ： 2770-4994
服 務 時 間
星 期 一 至 五 上 午 9:00 - 晚 上 8:00
星 期 六 上 午 9:00 - 下 午 1:00

荃灣青少年保健中心
荃 灣 青 山 道 264-298 號 南 豐 中 心 16 樓 1621 至 1622 室
電 話 ： 2443-2773
服 務 時 間
星 期 一 、 三 下 午 12:30 - 晚 上 8:00
星 期 二 、 四 上 午 9:00 - 下 午 1:00
下 午 2:00 - 下 午 5:30
星 期 五 下 午 1:00 - 晚 上 8:00
星 期 六 (隔週) 上 午 9:00 - 下 午 1:00

佢地檢查完，確定你係懷孕的話
要睇下個 bb 幾多個星期大
如果係十個星期以下
你可以自己選擇係家計會落定係想去私家醫院

家計會o既墮胎手術只係會半身麻醉
而私家醫院就係全身麻醉

因為家計會係經由醫生睇過你先轉介去私家醫院
已經係等於醫生信啦

我只係知道家計會o既手術費用係 $2500
但係去私家醫院墮胎要幾錢就唔清楚
你可以到時去睇o個陣問姑娘，佢地會俾好多詳細資料你睇，而且講解都好詳盡

雖然話o係家計會做手術只係半身麻醉
但係只係會痛係手術期間o個十分鐘左右
之後就會好似平時經期o既少少痛咁

我自己本身o係家計會做
檢查費連手術費總共用左 $ 3410

如果唔想用咁多錢
o係家計會做都無妨，忍到o個十分鐘就無事架喇 !!

2007-06-01 15:38:18 補充：
唔記得講你未夠十八歲，應該要有家長簽名先可以做手術架 !!其實可以的話，最好同媽咪講聲話晒都係有經驗o既人，事後都可以幫你調理好身體我自己最後都係向屋企人坦白，因為有咩唔清楚或者擔心佢地係最可靠兼最幫到你o既人 (特別係媽咪)

落仔犯法嫁喎..??`!!不如你不常心面對*}

仔系你搞出黎..你應該接受佢..!!}有冇冧過個牙B幾慘嫁..'']]

黎佐地球幾日又死佐...-_______________-"}

如果可以俾家人知道
可以搵母親的決擇
佢會叫你生出俾人領養

如果唔可以俾佢知
可以去灣仔修頓球場
附近有間家計會可以安排人工流產
果道有得做但要排期約300-500
做要約1500-2500你可以打電話問先
家計會屬私人地方，唔係政府
最好問埋要唔要家長簽名喎
不過要快，好似超過2個月唔做

最後唯有搵社工幫手
希望可以幫到你啦！
唔得再上問

你得17歲未成年噃！去公立又好，私家都好，好大機會驚動警察ga，到時你男友會被控告ga，我諗你做任何决定前，先同家人商量一下啦。如果覺得家人會有好大反應，怕自己應付唔到，考慮揾社工幫下手丫，好過一個人諗咁傍惶丫。
其實可唔可以生佢出黎呀？小生命係無辜ga，生佢出黎先啦，送去保良局好過殺死佢呀！
或者揾母親的决擇丫，等bb出咗世，試下可唔可以履行母親嘅責任，唔得ga留低bb比佢地low！求下你！諗清楚先好决定呀！

為自己嘅生命負責，為自己嘅下一代著想。

可打18503查詢最近你住之家計會!如果你未婚而男朋友又不負責,家計會幫你機會通常都大D!但都要兩個醫生簽字同意,家計會就會約期幫你做手術,最多$5000以下,香港都有私家醫院做五年前都要$9000-12000,你儘快問咗家計會先!下次小心D!女人落得多身心都好傷架…

2007-06-01 02:03:06 補充：
最好和家中你認為會幫到你的成人商量,千萬唔好怕比人罵而做傷害自己之事!家人一定會幫你和支持你架!

17歲一定要親身去家計會!
土瓜灣家計會!
家計會有合法人一流產手術,但要有足夠"理由"才會做!
聽說中環山上某著名私家醫院約2萬蚊!但要夠18歲並且有足夠理由!
一定要同家人相量!家人一家會幫到你!
最好找"媽媽的決擇"或社工同家人一起相量,當然男朋友亦要負責任!
好好溝通!世界上冇事係解決唔到!

你得１７歲未成年．．．如果去私家醫院，會俾人問好多野，仲可能會叫警察．
因為與未成年少女發生性行為係犯法．．．
我建議你同你家人傾傾，因為一旦接觸政府機構，你的另一半有可能被拉．．．
而且一旦落仔，將來可能無得再生．．．