破產問題～～～幫幫手～

✔ 最佳答案

法例係無規定欠債多少先可以申請破產. 只要你認為你再無能力還債, 你就可以申請破產. 又或者你爭人錢唔還, 無論欠債多少, 人地都可以申請你破產. 問題係值唔值得.
當你欠債多到成份糧都冚唔到最低還款額, 例如: 你月入一萬, 每月最低還款額都去左8千, 連食住都無錢, 咁你可考慮破产. 破左产扣除你每月還番錢俾破产管理處後, 重有錢租屋食飯.
自已申請破產, 費用約萬幾蚊. 人地申請你破產, 就你唔使俾錢. 如果你欠債只係幾萬蚊, 使費都成萬蚊, 唔啱數. 咁不如同債主傾下, 慢慢分期還.
唔好以為破產4年後一條好漢, 重新嚟過咁容易. 無錯隨著社會進步, 破產人多咗, 破產巳經無以前咁大件事 (在七八十年代, 破產係好受歧視!), 但破產的後違症仍不容忽視! 唔講破產期內的各樣限制, 就算在解除破產後, 都有以下問題:
1. 財政
根據香港法例, 破產人在後其破產令解除後, 其信用已回復正常. 任何人或機構都不可對其作出歧視. 但現實中, 超過98%的銀行, 財務公司同信用卡公司都會以"商業理由"或"唔想做你生意"為理由而拒絕做你生意. 你再借唔到錢, 做唔到按揭, 申請唔到信用卡, 做唔到分期. 有d銀行連支票簿 / 提款卡都唔會俾你. 因為係商業決定, 政府亦吹佢唔漲. 講真, 咁多人申請信用卡 / 借錢, 佢無必要做個"花底" 嘅客. 做少一個, 唔會生意跌, 係唔係?

2. 工作
破產在某情況下會影響出外工作 / 移民. 有些國家例如: 美國, 加拿大及英國等大國一律不歡迎的人去該國移民. 破產亦會影響工作. 香港的紀律部隊, 是不會僱用曾破产的人. 如果現職紀律部隊而破產, 就會被調職到比較無咁敏感的位置. 根據上市公司條例,為保護公眾利益,曾破产的人唔可以做上市公司之董事. 牽涉到錢或個人誠信嘅專業人仕行業, 例如: 銀行, 會計師, 保險, 律師, 股票, 投資顧問, 地产經紀, 醫生, 曾破产的人是不會受僱的.
請閣下三思!!

回答 (2)