我成日都好眼訓呀....幫幫忙呀...唔該..

我同你o既情況都一樣，我之前返學o既日子放學返來就午睡，一瞓瞓到差唔多半夜(一點幾)，起身食飯沖量後再瞓，第二日返學都覺得好攰好想瞓，上某幾堂都會起度瞓，日子就係咁過......當然唔係日日，假期我又唔會咁wo～但唔知點解一到返學o既日子就會咁，都幾影響學業.....我曾經懷疑自己係咪有渴睡症，不過渴睡症通常會行行下不自覺咁起度瞓覺(動作極似暈佐咁)。

經常令人疲倦都有好多原因，例如生活不規律(好似我咁o既情況)，令身體適應唔到，suggest你固定一個時間瞓覺同起身。瞓晏覺係好，但記得唔好瞓咁多，如果唔係會愈瞓愈攰，大約一個鍾至兩個鍾已經好足夠；
另外要飲多D水，有專家指每十分鍾飲一啖水令個腦精神D；
做適量o既運動，等血液有良好o既循環，令到二氧化碳能夠從體內完全地排出，以及可以將足夠o既氧運送到身體各部份，當身體有足夠o既氧氣，個人就會精神；
同埋保持一日三餐同吸收足夠營養，食物起體內燃燒後會轉化成碳水化合物，再轉化成能量供給人類活動，如果冇足夠o既能量個人就會好易攰；
藥物當然起某程度上會令人攰啦，如果好返就停止服用。

至於焦慮症....你有冇其他情緒上o既問題？如果係符合哂o既話，就要睇下醫生。
我知道香蕉含有?富維他命b16，而且具有控油效用。

希望幫到你啦。

眼訓的成因, 係睡眠質素不好, 如不能熟睡, 夢多, 半夜起身疴尿....

要睡得好, 便要睡前四小時不進食, 睡前飲一至兩杯開水, 作息時間穏定, 在床上不要憂慮, 不停地放鬆, 及深呼吸.

吃維他命b可以精神些, 而吃得太多糖會消耗維他命b, 便會疲累.

含維他命b的食物有大米, 肉類, 小麥, 啤酒, 香蕉, 牛奶等.