老師有冇責任?有冇錯?
2007-06-01 1:46 am
我係某中學的一位學生,我哋上綜合人文科時,全班要分成d1班和d2班,而我就係d1班,有一日,我專登跑到d2班上堂,d2老師就話:你係d2班?? 我就話係跟住就在d2班上堂。 當時d2老師係知道我係d1班的,因為我從未上過他的堂,因此我就被訓導話欺騙老師。 我知道到d2班上堂係唔啱,但d2老師明明知道我係d1班,佢無阻止我到d2班, 你認為d2老師需唔需要負一些責任???? 而當天我在訓導室時,無話到 昵句話,算唔算係欺騙訓導老師??? 無提到果句話, 又算唔算欺騙???? 請您詳細解釋, thank
回答 (3)
2007-06-01 2:27 am
✔ 最佳答案
喺呢件事上你的確要負最大既責任，因為你明知自己唔係嗰班都去上就已經係一種欺騙既行為，當然，個老師都有唔啱，但係唔啱既地方就要諗諗喇！第一，你點知佢一定知你唔係佢嗰班？你要明白，有啲老師真係記性唔好，尤其是越教得多唔同班既老師越容易有咁既情況，老師都係人，一班幾十個學生，佢唔記得邊個喺邊班一啲都唔出奇，所以當時佢可能都以為你係佢嗰班，所以無出聲；第二，就算當佢真係記得你唔係嗰班，嗰一刻佢可能唔想浪費時間處理呢個問題，情願你喺度聽埋一份，唔好阻住成班既進度，況且如果你唔係喺班上面搞事，你去上多堂都無壞丫～所以可能係因為咁佢就無當時叫你走，當然亦都可能有顧及你既面子問題，你諗下如果當住全班面叫你走，你都可能覺得瘀皮啦～第三，可能個老師知道你唔係嗰班，今次佢一時之間唔知應該點處理好，於是落咗堂之後就問番佢啲上司，上司可能會提議佢搵訓導嗰邊傾傾，最後決定都係要同你講下，以免你以後都唔守規則咁走去上堂，於是最後你就俾訓導話。所以一句到尾，如果唔係你自己做咗唔適當既嘢先，就唔會有咁既後果啦～唔好怪人喇，做好自己嗰ｐａｒｔ先啦～
2007-06-01 2:05 am
首先, 相信你都知你自己不對在先
而當時老師無提出要你離開班房, 有以下可能 : -
1) 佢不記得你是否真的 D2 班, 因為佢未必記得哂所有既人, 佢只係基於一份對學生既信任
2) 佢明知你是 D1 班, 但基於讚賞你想學多一點, 因此願意給你講多一次課
* 而你當然再次肯定你是 D2, 老師亦不想浪費時間查核回答既真確性, 以免影響其他人上課.
*** 如果真係要問老師有無責任, 佢要負既責任就係相信錯左你~
而你係訓導處時無提出, 呢的並唔係欺騙, 因為你都對自己既做法處於懷疑~~ 因此對自己不肯定既言論不敢出口而已~
而當時老師無提出要你離開班房, 有以下可能 : -
1) 佢不記得你是否真的 D2 班, 因為佢未必記得哂所有既人, 佢只係基於一份對學生既信任
2) 佢明知你是 D1 班, 但基於讚賞你想學多一點, 因此願意給你講多一次課
* 而你當然再次肯定你是 D2, 老師亦不想浪費時間查核回答既真確性, 以免影響其他人上課.
*** 如果真係要問老師有無責任, 佢要負既責任就係相信錯左你~
而你係訓導處時無提出, 呢的並唔係欺騙, 因為你都對自己既做法處於懷疑~~ 因此對自己不肯定既言論不敢出口而已~
參考: 自己
2007-06-01 1:53 am
我覺得系你不對呀...
明明系D1學生做咩去D2上堂呀?????
D2老師都有一D的責任,5可以話他對...
但系有5可以話他錯
明明系D1學生做咩去D2上堂呀?????
D2老師都有一D的責任,5可以話他對...
但系有5可以話他錯
收錄日期: 2021-04-23 21:53:27
原文連結 [永久失效]:
https://hk.answers.yahoo.com/question/index?qid=20070531000051KK02644