哪一間 QS consultant firm 適合 fresh graduate?

(估唔到响呢度都有人問 QS 野)

其實坦白講. 你係想要一個 degree 定係鍾意讀呢 d 先
qs 呢一行人工唔算高, 做 consultant fresh grad 入去都唔夠一萬
係就係年年都會加人工既..但要睇你好唔好彩考到牌, 因為考到牌大部分都會加幾千
否則以五年年資都只係大概萬六蚊..如果投身其他行業一早就唔止呢個數..

工時就一定係長..話就話五日, 有時星期六日都要返架, 平日都一定要 OT..不過有少少補水
(一間間啦), workload 就梗重啦..唔係就唔需要 OT, 分分鍾要過澳門 or 其他地方做野
人事就度度都會有..唔係非常大既問題, 睇下你好唔好彩架啫

多口問多句, 你男仔定女仔呀..如果係男仔我會 suggest 你做 constractor
响地盤真係會學多 d 野..而且一般大 contractor 出到既人工都唔錯, 應該一入職有 13k
不過如果你係女仔..多數就唔會揀返地盤 lu~
可以揀既大 consultant...咪得嗰幾間, L&B, Langdon, Widnell, WTP, DGjones..
我個人覺得前兩間比較好, 因為最大嘛..job 多..人工稍高..成日都會請人

另外, d 人揀 consultant 做多數為左覺得容易 d 考牌..as 考牌時會問比較多有關 contract 既野..
所以覺得做地盤會輸蝕 d, 但我睇你講到都唔知自己會否繼續做呢行..
你真係諗清楚 d...我 & 我 d 同學(我地都仲做緊 qs), 十個有九個都覺得真係好悶...
不過都做左咁多年..話要轉行..仲難..所以唯有考個牌番黎..第時政府請番人..入到去就好..
反正响私人公司..發展潛力都唔係咁大~

Qs Consultant