乒乓球好手~~~~你的學習體會是什麼?

小弟我好細個就開始學乒乓球，唔算係好手...
係社交方面乒乓球的確係一個唔錯既橋樑，因為屋企有波枱所以以前成日同朋友打波，邊打邊傾計亦可以技術交流，真係好正好開心。
係對戰方面，可以激發自己既好勝心(咁當然係和平對決)。不斷鍛鍊自己，加強自己毅力。
係運動方面，可以鍛鍊自己反應、體能、平衡同技術。乒乓球要打得好一定要冷靜，但係面對對手出招要夠恨！咁先可以發揮自己本身最高攻擊力。而且對雙臂既靈活、柔軟度好有幫助(特別係手腕)。

學習方面：一定要多練、多學，唔可以旁門左道。以前小學時代同班同學仔打，佢地成日專注係球拍同一啲特殊技巧(如旋轉球)，佢地多數未學行先學走，同時又冇專人指導，個個都學壞晒手勢，當佢地面對一d根基紮實既對手想贏都難。
練習時不時嘗試挑戰一啲比自己強既對手，咁樣會體會更多，千萬不要怕輸！

最後切記，運動過於理論化反而妨礙自己既進展。