+/-波一問

喺另外一個post都有答同一問題, 而家就copy and paste我嘅回答, in case 你唔記得喺另一個section問過:

其實原理就同揸棍波車一樣, 要好力時就用低D嘅波, 要輕鬆D慳油D咁揸就用高一個波:

1, 加速爬頭: 如果揸高速公路時想爬頭, 可以拖低(用 "-";) 一, 兩個波(視乎引擎轉數), 令引擎喺比較有力嘅轉數運行, 咁踩油門嗰吓就有力D

2, 收慢車: 如果想快D收慢架車, 可以踩brake同時拖波去收車. 不過如果唔熟架車嘅引擎性能而架車有ABS又要緊急剎車的話就情願一腳重brake, 雙手握實軑盤隨時準備轉彎去你要架車去嘅方向仲好過拖波.

3, 劈彎: 入彎前控制好入彎速度, 入適當嘅波(視乎速度同彎有幾急), 咁架車轉彎時就會比較穩, 出彎時又可以比較快. 而且可以避免自動波車喺彎中轉波嗰吓危險動作.

4, 落斜: 其實同自動波車一樣, 拖低個波落斜路就唔怕架車愈溜愈快, 又唔駛成日踩住個brake令到過熱失效

5, 慳油: 巡航同一般駕駛時, 你可以用"+";去令到架車喺高一個波行, 咁引擎轉數低咗就會慳油D

6, 從靜止加速(0-400m or 1/4 mile 比賽): 好多車書已經證實咗, 配備+/-波自動波車, 靜止加速時行D波地板油會快過自己用+/-波轉波! 不過如果喺燈位排頭位而你要綠燈後就好快cut第條線的話(e.g., 入錯線), 你就可以由D拍去+/-波, 再拍落"-";一吓, 因為好多車(尤其大馬力大cc車如BMW, Mercedes Benz, Porsche), 都設定用2波起步去令到架車平時揸時柔D. 如果落番一波就會好力D

其實同用棍波一樣,因應不同斜度的路段用不同的波數.