倉鼠同一個媽咪生出唻會唔會打交

倉鼠同一個鼠媽媽生出唻都一樣會打交,仲可以打死晒,所以一定要分籠

唔好以為兄弟姊妹就會相處到,亦都要明白鼠鼠天生就係獨居動物,好多人會話同一胎or同性別or唔同性別就唔會打交,都有人話鼠鼠打交係玩...但咁真係好危險...
可能細隻d既時候係唔會打(但都有部份未戒奶就打生打死),所以好多人養耐左少少先發現打交,到時會覺得好奇怪,明明之前相處到,所以都明白唔理解又好難放多一籠既情況下,以為可以打交都冇事,但最後鼠鼠受傷or死亡既話,都一定唔好受吧?

我細個既時候,就因為親戚話一男一女唔怕,結果生左好幾隻bb出唻,之後又聽人講兄弟or姊妹一齊住唔怕,一個兩層籠,一樣物品我放2-3樣,結果打到頭甩腸出而死.
大個之後明白左鼠鼠要一個咁住,都有一次,我只係買左一隻女,一隻住,忽然生左bb,未到戒奶既時候,鼠bb已經打到七彩,好想分籠卻又未戒奶唔可以干涉.其中一隻打到一隻耳仔冇左一部份,另一隻冇受傷卻又唔知做咩,到一隻住都成日叫.

其實真係唔好一齊養會好d,趁而家佢地未打死打傷既時候分籠,點都好過打傷打死先處理,點解要迫佢地住埋一齊,生活在惶恐之下?如果有人迫你同第2個你好驚既人困埋一齊,可想而知係有幾慘呢.

如果你呢度講既係一男一女,同一個媽咪生出唻,問題更加更加大,佢地唔打死打傷既話,俾佢地繁殖到就可能仲恐怖.
亂倫之下既bb,可能一出世就冇左隻腳or帶病出世,智商可能未必咁易睇得出差d,但就算生出唻睇上去冇問題,都會短命同易生病.如果之後再咁樣繁殖落去,真係好殘忍.外國唻講,如果係亂倫出世,有d係一出世就人道毀滅.

希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

同時你都要仔細觀察佢地有冇受傷or生病,冇外傷既話受驚都可能會出現其他疾病既

1)如果有受傷,唔嚴重既話可以去寵物度度買一d外傷既藥,不過如果近眼耳口鼻就唔可以噴,用棉花棒搽唔到既話,可以睇下有冇一d口服既藥,見過有隻叫"外傷素",係加入d水度俾鼠鼠飲既,不過我都幾耐之前見過,所以唔知而家仲有冇.

2)如果有受傷,嚴重or搽唔到藥,又或你分唔到就咁有冇問題,就要帶佢睇醫生啦,可以考慮下睇愛護動物協會, 愛護動物協會資料.
愛護動物協會診所資料:
http://www.spca.org. hk/chi/vet/vetclinic .html
愛護動物協會流動醫療車資料:
http://www.spca.org. hk/chi/vet/moclinic. html

3)都唔好忘記,冇受傷既鼠都要好好觀察.佢地打完交,都可能會嚇親,所以密切流意一下佢地除左外傷,仲會唔會有d咩唔舒服,有冇d野係同平日唔同,有異常既可能會有病呢.

2007-05-31 04:53:56 補充：
補充一句,鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係多數係打交,生病,受驚or緊張,樣樣都係鼠鼠唔好受既反應唻

當然要分籠
因為佢地打交有可能整親
我個隻都試過打到流血
而我d朋友個隻就死左喇

倉鼠喜歡打架（尤其是幼小的鼠仔），那是正常的玩耍，不需擔心。但如果打架過份激烈，打得發出慘叫聲，甚至打出血的話，那就是打真架，必須立即分開牠們，替傷者塗消毒藥水。如果牠們打完又打，每次都打至你死我活，就只好將牠們分開飼養了。 >_

yes of course
~和鼠鼠做好朋友~



適應時間:

Day 1 盡量不要騷擾牠，讓牠先熟悉這裡的環境~~~
Day 2 可以親自餵牠吃東西和輕聲跟牠說話，讓牠熟悉你的聲音和氣味。
Day 3-5 可嘗試用手撫摸牠的背部。
Day 6-13 可嘗試抱牠出來。
After 14 days... 牠已經適應你了，你可經常抱牠出來玩耍了。

正確地抱起牠　:　

注意　: 抱起牠時必定要確定牠是清醒的，否則牠會咬你嫁。

方法　: 將拇指和尾指托著牠的腋下，然後把中指放在牠的尾龍骨處，

　　　　整隻把牠拉起，再放在另一手上。

鼠鼠走佬　:　

　　你可以在頗高的地方放一個盤子，在放上盤子上一些牠喜愛的食物然

後再斜放一塊板子讓牠可以爬上去吃東西，那樣，牠便會跌進盤子裡

去了。

如果有以下情況就要分喇..如果吾係長期落去有可能會打死其中一隻架..
快d分a

會打架的...一定要分開，否則會打到遍體鱗傷.