http://www.newthinkpink.com/index.php
配唱歌手
負責配唱國語及中英歌曲，時間自由,歌曲分紅加獎金.
不收任何試音費用
政府牌照號碼:21549192
錄音製品播放版權牌照號碼:L063876
版權音樂演奏牌照號碼:TM33732
想大家幫下手...
1.呢間野係咪呃人架?
2.我第一次試音果陣,佢要我留低隻碟(要自己帶碟去),話第二次有得攞番,但我second in果陣又話唔係果到,我會唔會攞唔番隻碟呢???
3.我第2次試音果陣,佢話請我,但要上完course先可以錄音,同埋俾$3800作為保證金,係唔係呃人手法呢?
4.我果陣咩都冇簽,但就迷糊地俾左$1000,用eps有收據,呢筆錢係咪攞唔番?(因為佢話可以俾住先,剩餘果d遲d再俾)
5.我番屋企後覺得好似騙案主角咁,仲俾媽咪爸爸鬧,仲叫我一定要攞番d錢,所以我今日又去問佢地,佢發晒脾氣咁同我講話我唔可以話黎就黎,話走就走,叫我聽日再去過,要帶埋解釋信.但未必攞得番d錢,但隻碟聽日一定俾返我.我應該點寫封信好呀???
懷疑受騙(20點..急)
2007-05-31 5:43 am
回答 (6)
2007-06-03 7:50 am
✔ 最佳答案
我是過來人大概2-3年前去過
直情入左去做
比左3000, 我就係果d女仔....諗起都唔開心
果d所謂既保證金
我唔知有咩人可以拎得返..
係, 冇錯, 佢會每星期比到幾首歌你唱 (所謂固定工作量)
但我覺得即使係職識歌手都唔可以達到佢要求
除左佢會比你勁難搵, 勁learn, 勁難唱既歌你 ...(似山歌)
歌..要你自己用你既方法搵黎聽,
而每星期佢都只會比個歌名你....十首九首都係d中國內地超高音歌....
然後, 你要在拎到歌名既第二天即答覆佢你要唱咩歌, 跟住佢會約你一個時間, (佢唔會理你夠唔夠時間練, or果個時間你方唔方便, 你黎唔到就冇得唱).....分分鐘佢要你即日上去錄(好多時).....
錄音時唔可以帶歌詞...要背熟晒.....你甩左兩次唔記得歌詞, 佢即cut你歌,唔比你再錄 仲會比佢罵一餐先....會話你浪費佢d時間....佢成日強調佢既時間非常之寶貴, 同佢係非常之忙碌............
而我自己....就係一個白白拎唔返錢既例子
總之, 要你拎錢出黎先既就唔洗諗架啦
理得佢既理由幾好聽都假....
仲有, 果度上既唱歌堂...........我自己就覺得...一定唔值 300半小時........
結論佢係唔係呃人.....大家決定啦....
咁....至於你既 1000蚊
老土D又係果句, 買個教訓啦.....不過你個教訓都平過我架喇
好就好在我媽媽冇怪同話我, 係佢同我講當買個教訓,
而錢係佢比, 到今日我仲未有本事還返錢比佢
不過雖然係咁....件事過左咁耐......係唔開心過....但其實都係一件小既事
將來我又點只還返 3千蚊比我媽媽呢?
所以你都係....希望你都正面D去諗啦~....
試下坦白同你家人商量, 因為....你都唔可以做到D咩架喇........
參考: 自己經歷
2007-05-31 9:05 am
嘩？！真係咁呀？
我今日都走左去first in
我未開始試唱，佢就話下次要帶家長黎second in(即係人人都可以second in- -？)
佢又話咩唱得好個d(你把聲幾好聽呀，唱得幾好喎，你係唔係好鍾意唱歌既？)
之後又同你一模一樣既情況，佢hold住我張碟，話第日俾返我....
佢而家未confirm我幾時second in....
唔通我同你既情況一樣？？....
咁我重好唔好second in呢= =
...不過其實我一開始就有警覺佢有機會呃人...諗住如果佢一提到要錢我就會走人
我今日都走左去first in
我未開始試唱，佢就話下次要帶家長黎second in(即係人人都可以second in- -？)
佢又話咩唱得好個d(你把聲幾好聽呀，唱得幾好喎，你係唔係好鍾意唱歌既？)
之後又同你一模一樣既情況，佢hold住我張碟，話第日俾返我....
佢而家未confirm我幾時second in....
唔通我同你既情況一樣？？....
咁我重好唔好second in呢= =
...不過其實我一開始就有警覺佢有機會呃人...諗住如果佢一提到要錢我就會走人
2007-05-31 7:57 am
你除左張eps單,仲有咩用白紙黑字寫ke野呀??
其實你可以先打電話去警署
(唔係999,真係你附近警署電話,唔知就打1083問電話)
同當值警員講你個情況係咁,你可以點做
係可以真係去報案定只可以備案,,,去邊間警署報
(因為宜家警察係根據案發地點去決定邊區負責處理案件)
同埋你仲可以點做去同果間公司交涉/追討...等等
你小心d啦,唔好單獨上去喇,好危險
仲寫咩信丫,,,快快趣趣搵警方幫手啦........
一陣佢地拎住封信反咬你咪死!!
唔好有下次,,,世界上冇晒好人好事ka喇
咪再信埋呢d野啦
有時間睇多2集警訊啊記住
其實你可以先打電話去警署
(唔係999,真係你附近警署電話,唔知就打1083問電話)
同當值警員講你個情況係咁,你可以點做
係可以真係去報案定只可以備案,,,去邊間警署報
(因為宜家警察係根據案發地點去決定邊區負責處理案件)
同埋你仲可以點做去同果間公司交涉/追討...等等
你小心d啦,唔好單獨上去喇,好危險
仲寫咩信丫,,,快快趣趣搵警方幫手啦........
一陣佢地拎住封信反咬你咪死!!
唔好有下次,,,世界上冇晒好人好事ka喇
咪再信埋呢d野啦
有時間睇多2集警訊啊記住
參考: -_-.......
2007-05-31 7:24 am
你呢$1000多數攞唔番架啦！
我認為佢地應該九成九係騙子。呢啲求職陷阱香港多的是，你遇到一啲都唔出奇。之前就有報章報導過有一唱歌好叻嘅女仔為左幫補家計，走去做類似你描述嘅呢種代唱，結果都係俾人騙財收場。
佢地叫你報course，其實就係存心騙財。你話佢地有政府牌照，佢地梗係有啦！我同你講，佢地諗過度過，所做嘅野係唔會觸犯法例嘅！事關佢地真係會安排你上course，搵一個合資格嘅導師(夏邵聲就做過呢種導師)教你，咁你俾錢學唱歌，佢地又真係提供課程。你嗰$3,800用得其所，喺合約上，佢地已經完成左責任，你點告得佢入？當然你會話係為左搵工先報course嘅，但呢樣佢地會做到喺程序上係同你上course分開嘅！即係你俾錢學唱歌係一件事，同你走去工聯會學唱歌同一性質，好似係你自己興趣咁。你之後面試係另一件事，同你之前上嘅course無關。佢地interview你之後話你唔適合，跟住唔請你，而家法例又冇話上去面試一定要請，你走去報警差人都愛莫能助。
呢啲係騙徒嘅慣用手法，差人明知佢地嘅企圖，但佢地喺法律嘅灰色地帶做事，差人除左叫你以後小心啲，未必有咩實質嘅野幫到你。你所付出嘅$1000，我相信多數攞唔番，你諗吓，你去啲hku，city u呢咁正規嘅大學報夜校課程，佢地都會列明報名若干日後，就算未開學，你想唔讀都唔會有得退番學費，證明法律係容許「學費入門，恕不退換」的，名牌大學尚且係咁，呢啲擺明呃人嘅騙徒，又點會唔利用法律嘅漏洞，扣左你嘅$1,000。
你都可以照報警嘅，如果同一機構有好多人報案受騙，警方就有辦法做啲野，你就當盡番公民責任吧！下次搵工一有人問你攞錢，你千萬不要再受騙了。
我認為佢地應該九成九係騙子。呢啲求職陷阱香港多的是，你遇到一啲都唔出奇。之前就有報章報導過有一唱歌好叻嘅女仔為左幫補家計，走去做類似你描述嘅呢種代唱，結果都係俾人騙財收場。
佢地叫你報course，其實就係存心騙財。你話佢地有政府牌照，佢地梗係有啦！我同你講，佢地諗過度過，所做嘅野係唔會觸犯法例嘅！事關佢地真係會安排你上course，搵一個合資格嘅導師(夏邵聲就做過呢種導師)教你，咁你俾錢學唱歌，佢地又真係提供課程。你嗰$3,800用得其所，喺合約上，佢地已經完成左責任，你點告得佢入？當然你會話係為左搵工先報course嘅，但呢樣佢地會做到喺程序上係同你上course分開嘅！即係你俾錢學唱歌係一件事，同你走去工聯會學唱歌同一性質，好似係你自己興趣咁。你之後面試係另一件事，同你之前上嘅course無關。佢地interview你之後話你唔適合，跟住唔請你，而家法例又冇話上去面試一定要請，你走去報警差人都愛莫能助。
呢啲係騙徒嘅慣用手法，差人明知佢地嘅企圖，但佢地喺法律嘅灰色地帶做事，差人除左叫你以後小心啲，未必有咩實質嘅野幫到你。你所付出嘅$1000，我相信多數攞唔番，你諗吓，你去啲hku，city u呢咁正規嘅大學報夜校課程，佢地都會列明報名若干日後，就算未開學，你想唔讀都唔會有得退番學費，證明法律係容許「學費入門，恕不退換」的，名牌大學尚且係咁，呢啲擺明呃人嘅騙徒，又點會唔利用法律嘅漏洞，扣左你嘅$1,000。
你都可以照報警嘅，如果同一機構有好多人報案受騙，警方就有辦法做啲野，你就當盡番公民責任吧！下次搵工一有人問你攞錢，你千萬不要再受騙了。
2007-05-31 6:12 am
以我估計 ,你懷疑受騙很難追究
2007-05-31 5:51 am
你應該先去警局備案,他們會tell u how to do
就算唔係騙人,備咗案都冇壞
就算唔係騙人,備咗案都冇壞
收錄日期: 2021-04-12 19:51:03
原文連結 [永久失效]:
https://hk.answers.yahoo.com/question/index?qid=20070530000051KK04253