關於隱形眼鏡藥水OXYSEPT(10點!!)

你必定要用佢俾你果個樽

oxysept入面用殺菌既係3%雙氧水
而雙氧水入左眼會令眼睛好痛(雖然唔會有永久傷害)
所以隻con係戴前一定要清除所有雙氧水成份

而oxysept用黎清走雙氧水既係佢粉紅色既中和丸
所以雙氧水既份量好重要
太多藥水會令中和藥無法係你戴前中和晒
太少又會令中和藥丸成份入到眼(都係會痛)
你必定要係個樽未放番個蓋之前裝oxysept到個樽既線位(姐係10毫升)
跟住放粒藥同個放左你對con既樽蓋落去
藥水會高過線位幾毫米左右

所以你唔可以用普通con盒

另外一隻常用雙氧水係AOSept
因為唔使落藥(佢用已經放左係樽入面既白金作中和劑)
所以更加方便
[但係兩隻藥水同兩種樽唔可以交叉使用]