大陸A廠來料加工手冊及B廠進料加工手冊如何結轉?

如你純粹只負責加工, 原料進口及產品出口都由寧波加工廠負責, 其實你廠手續都好簡單.
如你廠與寧波廠熟悉, 兩家簽訂來料加工備忘, 如不熟悉, 你們都可以經出口/貿易公司簽訂國內一般加工合約. 你廠就不須搞進料加工手冊核銷手續.
結匯方面, 如你廠與寧波廠熟悉, 可先收訂金或貨到收款, 如不熟悉, 可經出口/貿易公司結算. 如瑞典客戶直接汇加工款給你, 可叫寧波的進料加工工廠將成品出口價降低報關.

你嘅問題唔係好清晰，睇下有冇理解錯？

你係生產血壓計嘅來料加工工廠（響新塘工業區），你嘅客戶（佢響寧波）向你訂血壓計（你嘅成品，佢嘅原料），然後用血壓計加工生產成超級血壓計（佢嘅成品），然後佢要響寧波將超級血壓計同登山杖（都係佢嘅成品）一齊裝櫃，出口去瑞典？

其實佢點出口你可以唔駛理．

響你嘅角度，你只要將你嘅成品血壓計轉廠俾佢就得，做法係，你響你嘅海關申請，做計劃關封，轉出血壓計俾佢，等海關批出，經過電腦傳遞（如果電腦冇事，通常第二日就OK），叫佢響佢嘅海關確認呢個關封，之後，你將你嘅血壓計送貨俾佢，你攞住佢簽收嘅送貨單，再去海關申請轉廠，然後叫佢響佢嗰邊轉入原料（血壓計）．

而家有電腦傳遞，跨省轉廠手續已經相對簡單啦．